Rough Scan

In issuing this little book of "Poems and Songs" to the critical eye, the author is anxious that something in the way of a Prefatory Note ought to be given.  Outside of personal friends we think it best to let a book stand on its own merits, but like most of the minor bards of Scotland the exceptional circumstances under which Mr Nicol has during the last thirty years

="Rhymed awa, and wha'd him blame?
='Bout wife and weans, and couthie hame,"

ought to be taken into account.
Mr Nicol lays no claim to anything he has written as being "by-ordinar" or brilliant.  His rhymes have frequently been a half-hour's relaxation after a day of incessant toil

="To lighten the worry a working man shares-
=They've troubles as well as the big millionaires,"

and so the writer is fain to believe that whatever their faults these simple rhymes will receive recognition in a humble way.
Mr Nicol has been very aptly described as The Poet of the Nursery, for as will be seen throughout this volume, there are a very large number of finely written songs referring to Bairns and Bairnhood which will no doubt be keenly relished by many a "mither," wherever the language is spoken.  These Songs of the Nursery are quite a feature in Mr Nicol's writings.
We may mention that a finely written sketch of the life and writings of Mr Nicol appears in Volume VI. of "Modern Scottish Poets," by Mr D. H. Edwards Brechin.  His portrait also has the honour of being included in the gallery of "Living Scottish Poets," issued by W. G. Gibson, Esq., Dumfries.
The late Robert Ford, so well-known in the fields of Scottish literature, in an "appreciation" of the author, written for "The Poet's Album" a few years ago says:-
"Mr Charles Nicol-an occasional contributor to the poetical columns of various Scottish weekly journals, including the _Glasgow Weekly Herald_ and _Weekly Mail_ &c., is a native of Pollokshaws - is one of the "queer fouk" - and was born in 1858.  He had the misfortune, while yet a mere child, to lose his male parent, and consequently, after receiving the merest inkling of an education he, at the tender age of ten, was sent to work in a weaving factory in his native town, from which he emanated every Saturday with the net sum of two shillings and sixpence.  Even at this early age our subjcet manitested a desire for knowledge, and in the evenings attended a school specially organized for working boys, and by reading and other means endeavoured to improve his mind.  At the age of thirteen be removed to Glasgow, where he remained for a short time, after whith he went to Thornliebank, where he became employed in the engraving department in the extensive print works of Messrs Crum & Co.  Here he became acquainted with the late James M. Neilson, the author of "Grannie's Ingleside," and many other genuine ebulitions of Scottish fireside poetry.  Nicol was then at the impressionable age of eighteen, and the enthusiasm aroused in the workshop by the poetical sprightliness of his fellow-workman drew his attention towards the muses, and ultimately to the writing of verses.  Acquiring also a facility in the composition of prose, he became district correspondent for one or more west country newspapers.  Mr Nicol is now and has been for the last five years engaged as traveller for the well-known firm of David M'Lardy & Co., Drapers & House Furnishers, Glasgow, and Branches.
Mr Nicol is, as we have already stated, a frequent contributor in verse to the leading Scottish weekly journals.  His writings are essentially lyrical in their character, and most frequently cheery and homely in their nature - the simple reflex of his own happy, kindly, homely disposition.  To grace and facility in the composition of lyrical poetry our author, we must not neglect to state, adds the ability to sing his own songs, as well as the songs of others, in an admirable manner, and is consequently much in demand for concerts, soirees, and annual re-unions, and so forth, in various parts of the country.
We have not been privileged to examine many of the individual efforts of his Muse, but of the few we have had submitted to us, the greater portion are highly creditable both to his head and his heart."



HE cam' hirpling weary hame,
===Puir body,
Wat through and nearly lame,
===Puir body.
After working hard an' sair,
No ane tae say "You're there,"
Tae cauld hoose an' ditty flair,
===Puir body.

Broken-hearted, tae, forbye.
===Puir body,
In the hoose his lane maun lie,
===Puir body.
Wi' offers he's been free,
But nae lassie will agree
His lawfu' wife tae be,
===Puir body.

What tae dae he disna ken,
===Puir body,
Through the hoose gangs but an' ben,
===Puir body.
Wi' his haun up tae his heid,
Wishing aye that he was deid,
Nane tae help him when in need,
===Puir body.


DOON by a wee bit wimplin' burn,
=I met my lassie fair yestreen,
A lassie wha's baith young an' braw-
=A lassie wi' twa bonnie een.
Sweet birdies sang their tunefu' lays
=Aboon oor heids sae bonnie, O;
Whilk made oor hearts feel licht ance mair,
=An' happy aye as ony, O.

Twa 'oors fu' swiftly passed awa',
=An aye we sat beside the burn;
Oor thochts were a' o' love sae dear;
=Frae that sweet theme we couldna turn,
For love, yc ken, is ever sweet,
=When heard frae yer ain lover, O;
An sae it was wi' us yestreen,
=As we sat under cover, O.

Ah, happy, happy did I feel
='Lang wi' my queen, my love, my a';
An' ere we pairted mony vows
=Yestreen were passed atween us twa,
For aye to be fu' leal an' true
=Towards ilk ither ever, O;
Nae maitter what should e'er befa',
=Till grim death should us sever, O.


OH Tilly, will ye gang love,
==To yon burnside,
Whaur the mavis sings his sang, love,
==On yon burnside
And there, oh there, we'll hae
A blithe an' happy day;
Sae come, love, come away
==To yon burnside.

Mony happydays we've spent, love,
==On yon burnside;
Its lang since you I've kent, love,
==An' yon burnside;
Sae let us hurry on,
An' syne we'll think upon,
Thae days that noo are gone,
==On yon burnside.

We'll sing and happy be, love,
==On yon burnside;
Frae cares we will be free, love,
==On yon burnside;
A sang maks licht the heart,
An' sae before we pairt,
Between us baith we'll share't,
==On yon burnside.


SOME poets sing o' comely maids,
=An' praise ilk ane sae gran' and braw;
But I sing o' a lassie true,
=Wha is the flow'r o' Leven Ha'.

At e'enin, when a's gane to rest,
=An' gloamin's mantle covers a',
'Tis then I meet blithe Nellie Gray,
=The bonnie flow'r o' Leven Ha'.

'Tis there we tell a' oor love tales,
='Tis there we pass the time awa',
For I could be for ever wi'
=The bonnie flow'r o' Leven Ha'.

But some day sune I'll change her name;
=We'll marrit be, fu' bein an' braw;
An' then I'll be for ever wi'
=The sweetest gem o' Leven Ha'.


A SHORT hameart lay tae the wife that I hae,
=A kind-hearted, thrifty wee dame,
Wha sings night an' day, like the warblers in May,
=A moment's attention may claim.

When worn oot at nicht, what can gie sic delicht
=As tae see at the clean hearthstane sittin',
Sympathetic an' true, the wifie ye lo'e,
=While the wean busy plays wi' the kitten?

I've a wee toddlin' wean, wha can lisp gey an' plain
=Pleasant words, such as "Mamma an' Da';
The wee trottin' feet, losh, to see them's a treat;
=She's the pawkiest wean ye e'er saw.

Oh, happy's the hame whaur fond hearts beat the same,
=And waitna' wi' fear for the morrow;
Whaur sunbeams o' joy ever shine to destroy
=And the progress retard o' fell sorrow.

By nicht an' by day I maist fervently pray,
=May the sun o' prosperity shine
On the wean an' the wife, dearest treasures o' life,
=And the love which I bear never tyne.


ALL hail my kind and trusty frien,'
For that tae me ye lang hae been,
There's nae a ane yet I hae seen
=Could win regard
Like you yoursel', dear Johnny lad:
For oft you've cheered me up when sad;
Yer counsel yet has ne'er been bad,
=Famed "Laddie Bard."

Although that you're still young in years,
You've struggled thro' this vale of tears,
Without e'er showing doubts or fears-
=Still struggle hard.
For yet you will obtain the goal
That's the ambition of your soul,
Then laurels at your feet will roll,
=Famed "Laddie Bard."

You've in ye a' that is requiled
To strike some theme wi' ardour fired,
Tho' that you'll get a' you've desired
=Gin ye strike hard.
Sae, Johnnie lad, jist dae yer best,
An' syne thro' time you'll get a rest;
When folks will cry wi' lood behest-
=Famed "Laddie Bard."

An' noo, my canty rhymin' cronie,
Tae me you're naething else but Johnnie;
Ye ken ye have aye before ony
=My best regard.
Lang may ye leeve tae sing in praise
O Scotia, in yer hamely lays
An' ne'er hae sorrow a' yer days,
=Famed "Laddie Bard."


A YONT the knowe, deep in the howe,
='Maist hid among the trees,
A thackit cot adorns the spot
=Where a' my heart-thocht flees;
Because therein leeves Minnie Linn,
=A lass devoid o' pride,
An' oh, 'tis sweet, 'tis passing sweet
=Tae be there by her side.

Few can surpass this winsome lass,
=Sae blithe, sae trig and bonnie,
Her guileless style, her pawky smile,
=Wad captivate maist ony;
An' weel I ken nae ither man
=Has got her heart but me,
In that bit spot whaur is the cot,
=Sae naething need I dree.

The moments fly sae quickly by,
=When by her side I be,
For she's cheery, never weary,
=And mirth looks frae ilk e'e.
An' I am fain tae ca' her my ain,
=This queen devoid o' pride,
For oh, 'tis sweet, 'tis passing sweet
=Tae be aye by her side.


PETER, my man, whaur is your book?
=Gae fetch it to me noo.
A' roun' the hoose ye hae to look-
=Is't lost, an' it just new?"

"I've got it, faither."  "Weel, that's richt
=Your lesson noo, my man.
But wash your face, ye're like a fricht-
=An' be as quick's you can.

"Face whitened noo? weel come awa'-
=Come 'tween your faither's knees-
Noo whaur's the place? pit doon your ba'-
=Hoots, man!  Stan' at ease.

"Noo spell this word."  "What word is't, faither?"
="This lang ane - in-at-ten-tion."
"That's owre big, faither, I wad raither
=Some wee'er ane ye'd mention."

"So-so-what's that you say?
=Come turn your head to me;
Just let me see what ye can dae,
=An' then I'll let you free.

"What's b-l-o-"  "Your sleepin' faither,
="Awa' you leein' brat.
What's b-l-----deed, I'm sleepy, raither;
=That's plenty? - weel, we'll quat.

"Peter, I see you've dune your best,
=Try an' aye be as clever;
It's unco late, sae we'll to rest-
=For better late than never."


WEE, wee, steerin' Jamie,
=Rinnin' thro' the hoose;
Wee, wee, steerin' Jamie,
=Crawin' aye fu' croose.
Noo he's in the kail-yaird
=Pu'in' a' the stocks,
Makin' sic like messes,
=A'thing doon he knocks.

Wee, wee, steerin' Jamie,
=Causing muckle grief;
Wee, wee, steerin' Jamie,
=Tae coonsel he is deaf.
Noo he's in the barn, then
=Rumblin' thro' the corn,
Oh, it mak's me often wish
=He had ne'er been born.

Wee, wee, steerin' Jamie,
=There he's back again;
Wee, wee, steerin' Jamie,
=What an awfu' wean.
Noo's he's in the garden
=Tearin' a' the flo'ers,
Pittin' puir ma in a state,
=Often tae for 'oors.

Wee, wee, steerin' Jamie,
=Will he ne'er hae sense?
Wee, wee, steerin' Jamie,
=Sic sorrow is intense.
But let us hope when he gets up
=Tae be a muckle man,
He will bring honour tae us a',
=_An' in the Council stan'_.


OOR Davie's got a pair o' breeks,
=An' losh he's unco prood;
He struts about jist like a man,
=Forbye his awfu' good.
He pits his hauns intae his pouches
=While oot upon the street,
And smiles tae the very minister
=If e'er they chance tae meet.

It was jist the ither week there cam'
=A letter frae his grannie,
Saying she'd like tae see him, as
=Noo he wis a mannie.
Davie, of coorse, wis quickly taen,
=And when he wis brocht back
It wis a sorra sicht tae see
=His breeks a perfect wrack.

But since that day he's turned oot
=A rale wee clever man;
He minds his breeks an' minds the schule,
=Forbye learns a' he can.
He is his mither's only pride,
=His faither's only pet;
But the story o' his first breeks
=He canna yet forget.


WINSOME Minnie, blythesome Minnie,
=Wi' the een o' bonnie blue;
Winsome Minnie, bythesome Minnie,
=Wi' a heart that's ever true;
Hoo I lang to gang an' meet her,
=Hoo I lang to see her face;
O, my lassie, when I greet her,
=Then the smile o' joy I trace.

Winsome Minnie, blythesome Minnie,
=Singing lilts the hale day lang;
Winsome Minnie, blythesome Minnie,
=Hoo I love her canty sang.
Minnie's cheeks are braw an' rosy,
=And sic bonnie, bonnie een;
Hoo I love to sit sae cosy,
=Listening to her lilts, at e'en.

Winsome Minnie, blythesome Minnie,
=Wi' the cheery, lauchin' face;
Winsome Minnie, blythesome Minnie,
=Smiles on a' wi' modest grace.
Lang may Minnie leeve fu' happy,
=Able aye to sing the lays
That are sent her by the chappy
=Wha wad fain the lassie's praise.


NAE doot ye've heard o' Jenny Shaw,
=Wha lives doon by the burn;
That winsome lass few can surpass,
=Wha daily works the churn.
An' tho' she's but a dairymaid,
=She's a' the warl' to me;
She is my jewel, my Jenny fair,
=Wi' modest grace to see.

When gloamin' shadows a' the glen,
=An' tranquil is the scene,
'Tis then I wander forth to meet
=My ain, my lovely queen.
An' then sic voos as 'tween us pass,
=To be for ever true;
Oh, gin that happy time could last
=We aften wish anew.

Fu' aft we wander through the fields,
=When nae a ane is near,
An' whisper a' oor tales o' love
=That's to each ither dear.
But some day sune a bride she'll be,
=A bride fu' bien an' braw;
An' then she'll hae to change her name,
=My bonnie Jenny Shaw.


I'D like to catch a man whase name
=Is Naebody;
When ocht gangs wrang, wha gets the blame?
=This Naebody.
A' in the hoose are aye secure;
Oot o' the auld folks tak' the pooer;
When asked wha kicked up din an' stour,
='Twas Naebody.

When ocht gangs wrang, baith ear' an late,
=Puir Naebody
Aye gets the blame; he has nae mate,
=Puir Naebody.
'Twas juist the ither nicht, nae later,
A roon' the fire there wis some caper;
I syne got up, asked, "What's the matter!"
='Twas Naebody.

But after that I tried to fin'
=This Naebody,
An' sae I caused nae little din,
=Thro' Naebody.
The hale lot o' them in the hoose
Began to craw sae awfu' croose,
And said I'd quicker catch a moose
=Than Naebody.

He maun be some auld-farrant chiel',
=This Naebody,
Or e'en as clever as the deil,
=This Naebody.
But maybe I'll come roon' him yet;
Then, by my certies, he will get
What he'll no bargain for, I'll bet,
=That Naebody.


AN' will ye gang wi' me, love,
=To yonder flowery glade-
The glade whaur aften we, love,
=In oor life's morning played?
To-morrow, love, the ship sets sails
=For Afric's foreign shore;
To-morrow, love, we'll meet to part,
=To meet, perhaps, no more.

Sae come awa' wi' me, love,
=An' dinna stand an' sigh,
For we maun keep heart free, love,
=Frae care until "guidbye."
For when awa, I hae nae doot,
=You'll think upon the chiel'
Wha's in a far-aff distant clime;
=_Then_ sorrow's weight you'll feel.

I ken you'll think on me, love,
=When I am ower the sea;
Believe me, I'll mind thee, love,
=Whaure'er I chance to be.
If it's God's will that I should e'er
=Return to thee again
(Noo dinna stan' an' cry sae sair),
=You _then_ will be my ain.

Fear na' oucht will gae wrang, love,
=An' be na' doon at heart,
For fain I'd hear yon sang, love,
="The Bonnie Maids o' Cart;"
For, oh, the words to me are dear,
=And aye will bring to mind,
When I am far awa' frae thee,
=Your ain sel' leal an' kind.


COME let us sing a hamely song,
=An' let us sing't wi' glee,
In praise o' a' the bardies wha
=Week after week we see
Appearing in the poet's neuk
=O' famous _Weekly News_;
Their wee bit lays aye cheer us up,
=And aften us amuse.

There's Frank H. Gordon, ower in Fife,
=Wha is a cantie chiel';
He sings aye in the Doric tongue,
=An' he can do it weel.
His blythesome strains aft cheer us up;
=He cries, "Begone, dull care;"
Long may he sing in that same stain,
=Our hearty wish, I'm sure.

An' then we hae the "Laddie Bard,"
=Whase fame's withoot a flaw;
He is anither blythesome chiel',
=Wha sings to cheer us a'.
His hamely sangs and ready wit
=Are kent baith far an' near;
He is a genius, there's nae doot,
=An' lang may he us cheer.

There's William Reid, a man o' worth,
=Wha weel deserves the name;
His high-souled language wondrous Muse
=Has gained for him wide fame.
And Mary Cross, though still quite young,
=Pours forth her themes sublime;
Though young in years, she's old in thought,
=And yet may rise through time.

An' then there's Tom M'Lachlan, too,
=Ance kent as Mab. Adair:
That secret noo is oot, an' sae
=I dinna need to care.
But Tam's an honest chiel', I ken,
=An' gran' at makin' rhymes;
An' sae we may expect to see
=His wee bit sangs at times.

There's James M'Nab, noo far awa',
=An' "D B. M." we ken;
An' there's anither I maun min',
=I mean oor freen' "R.N."
May be, alang wi' a' the lave,
=Be lang spared to amuse
The readers o' that paper famed,
=The weel kent _Weekly News_.


CUDDLE doon, my bairnie,
=An' sleep noo if ye can;
If ye din'na you'll be sure
=Tae see the boo-man.

He's coming noo up the stair,
=Tae tak' this lass awa';
Sae cuddle doon, my bairnie,
=Beside yer ain Ma'.

Whist, noo, there he's coming,
=An' as sure as yer there,
He'll pit ye in his black pock,
=An' tak' ye doon the stair.

Yer sleepin' noo, bonnie lass-
=Weel, I'm sure that's richt;
See gang awa' oot boo-man,
=You'll no get her the nicht.


YOUNG Maggie was the drollest lass
=That e'er lived in oor clachan;
Her funny sayings an' droll ways
=Set baith auld an' young a lauchin';
An' mony were the pranks she played,
=Baith in the hoose an' oot o't tae;
An' noo I'll tell a wee bit thing
=That jist took place the ither day.

Twa lads an' lasses had arranged
=To meet ilk ither on the Mair,
An' Maggie, who had heard the tryst,
=Made up her mind that she'd be there.
Noo, time went on; the nicht arrived,
=An' a' went richt as far's was seen;
But Meg lay crouched ahint a dyke,
=Roon' by the Auld Mair washing green.

Syne by-and-bye the lovers they
=Began to converse wi' ilk ither;
An' whan the crack was at its heicht,
=Meg loupt up withoot a swither.
Wi' a white goon wrapped aroon' her,
=She made them flee wi' micht an' main;
An' neither stopped until they got
=Within their own door safe again.

The news aboot the ghaist soon spread,
=An' caused excitement a' aroon';
But ne'er a ane amang them a'
=Guessed it was Meg Swan's white goon.
But by-and-bye the truth cam' oot
=Aboot the ghaist, the tryst, an' a',
An' oh, sic lauchin' ne'er was heard
=Before in any social ha'.


O HEARD ye ocht o' winsome Jean,
=The brawest lass in oor clachan?
An' ken ye what I heard yestreen,
=That has set ilk ane a lauchin'?
Weel, Tammas Snipe o' Mutton Ha',
=Has tried baith to woo an' win her;
But, heth, she cowed him ance for a',
=An' ca'd him a muckle sinner.

The way it happened it was this,
=Jean was bringing hame the kye,
An' Tammas thocht he'd steal a kiss,
=An' try an' get it on the sly.
But Jean, wha heard the fitsteps come,
=Turned roon' an' faced him fairly;
An' Tam wi' surprise was maist struck dumb,
=For I'm sure he catched it sairly.

In a pleadin' voice he then did cry,
=Jeannie, woman, oh, tak' pity;
Ye ken I've thoosands, an forbye
=A great big hoose in the city.
Oh, take me, take me at my word,
=An' I'm sure ye'll never rue it;
For tho' I'm saxty, thank the Lord,
=I'm able aye to wauchle through yet.

Jeanie lauched baith lood an' lang
=At the thocht o' sic a marriage,
An' when he said she'd mix amang
=Leddies wha ride in their carriage.
But Jean has a lad o' her ain,
=Sae made the auld fule gang awa';
An' noo the wooin' o' sic a swain
=Is in the moo's o' ane an' a'.


OH!  Marion, thou art so fair,
=Thy lips sweet love impart;
When out with thee in summer air
=From thee I scarce can part.
You are so like an angel rare,
=From the blest realms above-
I never yet saw one more fair
=Than you, my own sweet love.

Oh! Marion, my dearest one,
=Thy charms are most divine;
Thou'rt still to me my nearest one,
='Tis thee that I call mine.
And though I may be far away,
=I'll ever mind thy name,
And the sweet spots where we did stray,
=That are unknown to fame.

Oh! Marion, my jewel fair,
=From thee I ne'er will part-
When with thee I'd gladly share
=The best love of my heart.
Because I always found thee true,
=Whate'er thou said'st to me,
That is the reason I love you,
=So we'll yet happy be.


COME awa' my bairnie
=Noo ye manny fash,
Daddy's waitin' on ye,
=There's a clever lass.

Tak care na', dinna fa',
=Better rest a wee,
There ye are noo come awa'
=Try for dada's knee.

Weel I'm sure I never
=Saw the like o' this,
Oh! yer awfu' clever,
=That deserves a kiss.

Kiss ye da' an' ma' again,
=Noo yer in high glee,
Oh! but yer an awfu' wean,
=The like I ne'er did see.

But noo ye maun tak' a rest
=In yer mammy's bosie,
Ye are the sweetest an' the best,
=Sae cuddle doon fu cosy.

For ma' an' da' are prood
=O' their ain wee Jessie,
Sae lie there noo an' be good,
=My sweetest wee Essy.


HUSH, my bonnie bairnie;
=Dinna greet sae sair;
Mammie noo has dune her best-
=What can she dae mair?
If my wee lass will be quiet,
=Or try to sleep a wee,
When she rises, oh, sae gran'
=Will oor housie be!

Tottie noo has fa'en asleep,
=An' her ma' is gled;
Puir wee thing, she maun be tired,
=That's her first in bed.
Na, na, na, she winna sleep;
=There she's up again!
An' dear me, what will I dae?
=If this isna pain.

Tottie, you're a waukrife thing;
=You've been up a' day,
Yet still ye winna rest;
=What'll mammie dae?
No a'e word yet I get frae her,
=But her usual cry;
Hoo I wish that she was bigger,
=An' a' this was by.



WEEL, Matty my lass, are a' things richt?-
Ye ken whaur we're tae gang this nicht;
An' the suner the better we're oot o' here-
So jump up, my lassock, my sonsie bit dear.

Weel, Watty, guidman, dinna be in a hurry,
Wait here a minute till I see Peggy Murray-
For ye ken she's a leddy baith sonsie an' braw,
An' she's coming wi' us, her guidman an' a.

Weel, Matty, be quick, as I tell't ye before,
For in less than five minutes we maun lock up the door;
We've only an' 'oor a'thegither tae spare,
An' it'll tak' us a' that ere we reach the Auld Mair.

Weel, Watty, guidman, dinna craw sae cruse,
For in less than twa minutes I'll be back in the hoose;
I'll bring Peggy Murray, her guidman an' a'
An' before the 'oor's up we'll reach the Mair Ha'.

What in a' the world can that woman mean?
She's awa' noo five minutes, an' it's seven at e'en;
But here she comes noo in a tremendous hurry-
Alang wi' her is Peggy an' auld Peter Murray.

Come awa', Peggy, we're a' ready noo,
We've a lang road before us-we ken that's too true;
But since we hae started, let us wire in,
Tho' we should be there five minutes ower sune.

Matty, woman, Matty, what's up wi' ye noo,
Come back, come back! the lock'll no screw-
It'll no lock ava-I'm in a great fix-
Somehow or ither the lock's in a mix.

Watty, man, Watty, ye're nocht but a pest-
If you've dune this for fun, it's an unco queer jest;
Let us mak' up oor min' we'll no gang ava,
For we're ower late noo tae gang tae Mair Ha'.

Weel, weel, Matty, we'll jist let it be,
So get intae the hoose an' mak' us some tea
We'll ask Peggy Murray, her guidman an' a,
An' we'll ne'er think nae mair aboot the Mair Ha'.

Come awa', Peter-an' sit ye doon, Peggy,
Till I tell Watty that everything's ready;
Ye ken he gaed oot tae see the auld mare,
But I'll bring him in in a minute, I'm shair.

Eat up, folks, eat up-dinna wait on me-
Begin tae the haddies, an' drink up the tea;
And when we're a' dune, we'll hae a bit sang
Frae Matty, or else frae Peggy's guidman.

Watty, man, Watty, ye're speaking ower fast-
D'ye think this meeting's forever tae last;
We'll drink up oor tea an' get straucht tae bed,
Houpin' tae meet some ither nicht instead.


NOO, I ken a cannie auld chiel',
=An' Wullie Macvean is his name;
Thro' a' the toon he's kent braw an' weel
=As the man that hisna a hame.

Noo, maybe ye'll wunner at that,
=An' wunner wha is to blame,
An' to see him withoot cap or hat,
=This man that hisna a hame.

He seeks lodgings here an' lodgings there,
=An' ne'er looks for wark ava;
But deil a ane tak's him, I declare,
=As he roams frae hoose to ha'.

I wunner wha in a' this warl'
=Wad e'er tak' in sic a loon,
For he's nocht but a drunken carle,
=An' a pest to ony toon.

I'm sure he micht think shame to be
=Aye in sic a drucken state;
A fair disgrace he is to see
=On ony decent fouk's estate.

But he may ere lang reform yet,
=And get into better fame;
Then let fouk see that he can get
=A guid warm cosy hame.


ONE day a churchyard I did pass,
=In reverie, alone:
And there I saw a little lass
=Reclining on a stone.

I walked right up to her, and said
="I pray what brings you here?"
She answered, "Sir, the people's dead
=That were to me so dear."

And then, again, "My little dear,
=Where are your parents now?"
She said, 'mid sobbing accents, "Here,
=In peace they sleep, I trow."

I then took pity on the child,
=And said "Come home with me;"
The little darling meek and mild
=Then danced with joyous glee.

I took the little orphan home,
=And gave her food to eat,
And said no more she'd need to roam
=The cold and cheerless street.

My mistress then took off the rags
=Which clad the waif so fair,
And gave her raiment to put on-
=For plenty we'd to spare.

And now the little orphan is
=As happy as can be,
And mingles with John, Tom, and Liz
=In all their childish glee.


(_Who emigrated from Scotland to Toronto, Canada._)

MONY thanks, dear brither bardie,
For your kindly wee bit wordie;
I'm prood to think me ye regard aye,
=The truth to tell;
An' o' the ither bardies tae,
Ye min' them a' in yer bit lay;
But William Reid he hauds the sway,
=Ye say yersel'.

An' so say I, my canty freen',
For William Reid he aye has been
To me the _best_ that I hae seen
=In _News_, my man.
'Tis he wha weel can use the pen;
'Tis he wha aye can cheer us when
We e'er may feel dooncast, an' then
=Ilk thing is gran'.

But words o' mine can ne'er portray
The hauf o' what I fain wad say,
In praise o' him wha I'd array
=Wi' laureate's croon.
Oh, may he lang be spared to use
His fertile pen, and woo the Muse,
An' no forget the _Weekly News_
=O' Dundee toon.

Ye speak, too, o' the "Laddie Bard;"
He weel deserves yer wee bit word;
He's a chiel' wha's won the regard
=O' ane an' a'.
An' Mary Cross, wha sings sae gran',
Wha cheers us up fu' often whan
She sings in praise o' Scotia an'
=Her lassies braw.

Noo, Jamie lad, my rhymin' brither,
I houp we'll soon see ane anither;
Ye say yersel', withoot a swither,
=Ye're comin' here.
That day ye land on Scotia's shore
(That's gin ye let me ken afore),
Famed "Laddie Bard," mysel', an' more
=Will raise a cheer,

To welcome back to Scotland fair,
Oor rhymin' freen', and then I'm share
We'll sing that nicht "Begone, Dull Care"
=Ne'er think o' sleep.
As for mysel', I'll sing a sang,
The like I haena sung for lang;
Noo, don't forget, if nocht gaes wrang,
=But promise keep.


THERE is a lass I lo'e fu' weel,
=But her name I winna tell;
She herds the kye in yon green fiel'
=Doon by the village well.

Whene'er I gang tae see her there,
=She is aye sae neat an' clean;
Tae me there's no a lass mair fair
=Than my ain, my bonnie Jean.

Her ways they are sae frank an' free,
=Tae me she's like a queen;
Go where I may, I ne'er can see,
=Nane like my bonnie Jean.

An' oh! she has a bonnie mou',
=I oftimes wish tae kiss her;
I'm sure if she wad leave me noo,
=Gey sairly I wad miss her.

But aye she plods the hale day lang,
=Jist as happy as a queen;
An' aye she lilts owre some auld sang,
=My ain, my bonnie Jean.

I wish it wis the happy nicht,
=O' that day that's unforseen,
It's then I'd gang wi' spirits licht
=Tae marry darlin' Jean.


INSIDE those walls, alas! there is
=No more a father seen,
For he has gone to yon bright land
=To meet his dear wife Teen.

'Tis but a few years that have passed
=Since all were bright we mind;
But, ah! the hand of Time goes on,
=And leaves its trace behind.

Little Maggie, she was the first
=That died within those walls;
Then little Joe, his mother's pride,
=Went too, at Jesus' call.

Soon after that there passed away
=Sweet mother kind and good,
And left that home so desolate
=As long now it has stood:

Then, after mother dear was gone,
=With father two were left;
But father, he too pined away-
=And thus they were bereft.

And now these two in solitude
=They live day after day
Within that ruined cottage, till
=Jesus calls them away.


SITTING in the dusky twilight,
=Gazing on the fading fire,
Thy memory in my bosom wakes
=An ardent strong desire.
Thou art hovering in my thoughts,
=Thy name is sweet to me,
I am dreaming, ever dreaming,
=Fondly dreaming, love, of thee.

But let us hope the time may come
=When we no more shall part,
When then my darling thou shalt be
=For ever near my heart.
But until then, oh, let us hope,
=We happy still may be,
As I am dreaming, ever dreaming,
=Fondly dreaming, love, of thee.


OH, ye steerin', rogish loon,
The warst wee deil in a' the toon,
Yer always rinnin' up or doon-
=Steerin' little Jimsie.

Yer seldom here, can scarce be got,
Baith grief an' pain's yer mither's lot;
Whiles comes in wi' torn coat-
=Steerin' little Jimsie.

An' when she sees him, jist by chance,
He then at her begins tae prance,
Jist like some fule cam' ower frae France-
=Steerin' little Jimsie.

The ither day he taen the poker,
Tore doon the wa', an' a' the oker;
Then at his mither-tried tae mock her-
=Steerin' little Jimsie.

He rins wi' callans here an' there,
Sometimes, I'm sure, nae ane kens where,
An' breaks his mither's heart fu' sair-
=Steerin' little Jimsie.

The grief he causes is intense,
Let's hope through time he'll gather sense,
Then he will jist get praise immense-
=Steerin' little Jimsie.


'Tis but a few short years ago,
=I do remember well,
Since all was bright and fair within,
=And contentment did dwell.
But now, alas, the scene is changed,
=And no one dwells therein;
And passers by now call the place,
="The Ruined Roadside Inn."

We must look back a little while,
=When to them all was fair,
And try to trace with careful eye,
=What brought this dire despair.
The good wife of the inn had died,
=And left young children two;
Then father, he bowed down with grief,
=No longer could pull through.

And so, soon after mother died,
=Dear father pined away;
And these two children, orphans left,
=To do whate'er they may.
As no kind angel then was near,
=To lend a helping hand,
These helpless orphans drifted soon,
=To yonder better land.

The roadside inn though now decayed,
=Is still there to the fore;
And still is pointed out to those
=Who chance to pass its door.
As now, alas, all, all is changed,
=And no one dwells therein;
The passers by have named the place,
="The Ruined Roadside Inn."


I'M fain tae sing a canty sang,
=In praise o' Scottish lasses,
For weel I ken in a' oor land
=There's naething them surpasses.
They are the queens to cheer ye up
=When ye are dour an' sad,
An' weel they ken hoo tae come roon'
=Each blythesome Scottish lad.

Hoo sweet it is at gloamin' grey
=Tae meet yer lassie fair,
Then wander tae some sheltered spot,
=An' tell yer love tales there.
You feel enraptured while ye sit-
=Hoo swiftly _then_ time passes!
But that jist lets ye ken the charm
=In blythesome Scottish lasses.

Fu' aft we feel that we could be
=For ever by their side,
For wi' their artless, winning smiles,
=They fill yer heart wi' pride.
They mak' ye blythe when ye are wae,
=They are sae fu' o' glee
And oh! 'tis sweet beyond compare
=Their ruby lips tae pree.

Sae let us tune oor hamely lyre,
=An' ance mair let it be
In praise o' ilka Scottish lass
=That treads oor land sae free;
For what is life tae ony man-
=E'en ane wha wealth amasses-
Unless he shares it wi' ane o'
=Oor blythesome Scottish lasses?


I LO'E a lass, a winsome queen,
=Bonnie Jessie Gray;
The fairest lass e'er I have seen
=Is bonnie Jessie Gray.
She leeves doon in the woodland;
=Fu' often there I stray,
Tae meet my queen, my lassie grand-
=Bonnie Jessie Gray.

I canna tell the joy I feel
=Wi' bonnie Jessie Gray,
When doon beside her form I kneel-
=My bonnie Jessie Gray.
Pure, loving words from our lips part
=While on the road we stray;
To lose her it would break my heart-
=My bonnie Jessie Gray.

For she is sic a winsome lass,
=My bonnie Jessie Gray;
Tae me there's nane can her surpass-
=My bonnie Jessie Gray.
Her graceful form is sae neat,
=She looks aye trig an' gay,
An' speaks aye sae kind an' sweet-
=My bonnie Jessie Gray.

Her ways they are sae modest-
=Bonnie Jessie Gray;
She is the sweetest, an' the best-
=Bonnie Jessie Gray.
Tae meet her my heart does gladden,
=As doon the road I stray;
I often think I maun be weddin'
=Bonnie Jessie Gray.


A DROLL sort o' body is auld Bauldy Byde;
The funniest I'm shair roon whaur I reside,
An' at this present meenite he's trying fu' fain
Tae get for his wifie blythe Mrs M'Bain.
An' the best o' it a' I maun let ye ken,
This very same wuman's haen already sax men,
An' noo the main topic aroon oor bit clachan
Is Bauldy Byde's coortship that's set a' alauchin'.

'Twas jist last Monday then, nae farrer gane,
Bauldy slipped roon tae his love's window pane;
When nae ane was lookin' he made a loup up,
But as luck would have it, puir man, _lost his grup_.
The noise o' his fa'in' roused Mistress M'Bain,
Wha really thocht "burkers" had broke thro' the pane,
But syne she looked oot for the cause o' the shindy,
When, lo! she saw Bauldy _hauf dead_ 'neath the windy.

Tae see her puir lover in sic a like plicht,
It really did gie the puir wuman a fricht;
But, heth! wuman-like she sune did her best,
And managed tae get him inside for a rest.
An' then, jist as sune as he came tae himsel'
He looked a' aroon him, syne cried out, "Oh, Bell!
I houp ye'll forgi'e me for causin' sic din
Ye ken I thocht shame by the door to come in."

She freely forgi'ed him, but tell't him gey plain
She ne'er would speak tae him gin he did sae again.
Then puir Bauldy got up frae aff his big chair,
An' tell't her the hale o' his love then an' there;
But Mistress M'Bain she cried out, "_No the noo_,"
An' sae there was ended their short interview.
But Bauldy he vows aye again and again
He'll yet hae for his wife blythe Mistress M'Bain.


DEAR S. W., my rhymin' freen'.
You'll think you hae forgotten been,
As it's three weeks noo since I've seen
=Yer hamely screed-
Within the _Lennox Herald_ I mean;
='Twas guid indeed.

I read yer piece a' through an' through;
Thinks I I've got a guid freen noo;
And I wis prood, ye maun alloo
=The truth tae tell,
To think I had a freen sae true
=As you yersel'.

Ye say ye canna rhyme like me;
Weel, I am shair ye needna dree,
For yon bit screed that I did see
=Wis really gran';
'Twas wrote indeed without a lee,
=Wi' maister han'.

I like yer canny, pawky style;
While ocht ye write is free o' guile;
I think it would be worth yer while
=Tae struggle hard;
Thro' that you'll climb "Parnassus," still
=An' claim regard.

Although that ye are far awa',
On some day sune I mean tae ca'
Up by your way, the Vale an' a';
=An' sae, my freen,
I hope tae shake yer worthy paw,
=When you I've seen.

I haena muckle mair tae say,
Sae noo I'll end this wee bit lay;
But I will weary for that day
=I'm comin' thro'
And whenwe meet we'll cry "hurray,"
=But noo - Adieu.


THERE leeves in our clachan an auld-farrant worthy,
Wha gangs by the name o' Peter Kilcurthie;
He's a douce, kindly body, guid tempered an' a',
An' I watna he's liked by ilk ane in oor ha'.
At ilka bit market he's sure to be there,
An' in fack he's the life o' a kintra fair;
He plays a bit fiddle wi' only twa strings,
Syne dances a bit, an' at times, too, he sings.

I declare but it's lauchable sometimes, I'm sure,
To see hoo he throws up his bow in the air,
Syne wi' a gran' flourish he bring'st doon again
On the tap o' his fiddle to some merry strain.
A crood quickly gathers frae a' parts o' the place,
To watch his manoeuvres wi' sic charmin' grace;
An' Peter he's prood then, ye may weel be sure,
When he sees gathered roon' him blythe fouk, rich an' puir.

His performance a' by, syne the bannet gangs roon',
Then coppers in shoo'rs he sees coming doon;
The sight o' _them_ mak's his face wear a bright smile;
Syne he rattles aff something the time to beguile.
An' whan he's done playin' he can mak' ye a' lauch
Wi' his queer ghaist-like stories and auld-farrant chaff;
Sune the crood wears awa', and Peter jogs hame,
To try to get something to fill up his wame.

Thus frae day to day, an' frae year to year,
Auld Peter Kilcurthie he's sure to appear,
Wi' his fiddle in a'e haun' an' his bow in the ither,
An' to play a bit tune ye'll ne'er see him swither.
May guid luck attend him a' thro' his bit life,
And may he steer clear o' baith sorrow an' strife;
May Fortune aye favour baith him an' his dame,
An' may they ne'er want a bit guid cosy hame.


IN a wee cosie nook in a wee country dell,
There leeves a young lassie wha's name's Isabell;
Wi' twa cheeks rosey red, an' twa een bonnie blue,
Wi' teeth pearly white an' a sweet hiney moo.
Blythe birdies they sing a' the lang simmer day,
Roon whaur this bit lassie's a' makin' her hay,
Alang wi' her faither she works aye fu' well
In that cosie wee nook in that wee country dell.

I ne'er can forget 'twas ae day in July,
I happened, when passing, this lass tae espy;
She was merrily singing as blythe as a bird,
But ceased when she saw me and ne'er spak' a word.
She was busily tending a big herd o' kye,
An' I saw by her face the bit lassie was shy,
A sweet blush on her cheek her tale it did tell
At that cosie wee nook in that wee country dell.

I gently went forrit but nocht could I say,
Her sweet comely form fairly held me in sway;
The lassie she thocht like hersel' I was blate,
But nay, 'twas her loveliness kept me sae quate.
Syne I gathered up courage tae speer her name,
An' sae very soon then fast freens we became,
An' before very lang I saw whaur she did dwell
In that cosie wee nook in that wee country dell.

Since that happy day that I first met my queen,
Tae that sweet sunny spot fu' often I've been,
Tae see her wha's aye happy, lichtsome, an' free,
The lassie I'll lo'e till the day that I dee.
W' her sweet guileless ways it's bliss when she's near,
I never saw ane yet that tae me was sae dear,
An' noo very soon I mean wi' her tae dwell
In that cosie wee nook in that wee country dell.


WINSOME wean, bonnie wean,
=Wi' the cherry mou';
Winsome wean, bonnie wean,
=Wi' the smilin' broo;
Rosy cheeks an' braw blue een,
=Brichtly gowden hair;
Brawest wee lass ere was seen,
=Fairest o' the fair.

Winsome wean, bonnie wean,
=Mammy's ain wee pet;
Winsome wean, bonnie wean,
=Wha could you forget.
Wi' your sweetly smilin' face,
=Fu' o' fun an' glee.
In thy lineaments I trace
=Sweet simplicity.

Winsome wean, bonnie wean,
=Mirth keeks frae ilk e'e;
Winsome wean, bonnie wean,
=Hoo I love to see
Her playing on the dewy grass;
=Hoo she romps aroon'!
She is her da's ain wee lass-
=Sweetest in the toon.

Winsome wean, bonnie wean,
=Singing a' day lang;
Winsome wean, bonnie wean,
=Sweet to me's yer sang.
Sing away thy simple lays
=As lang as ye may;
An' may happy be thy days
=Is the wish I pray.


BONNIE lassie, will ye gang
=Along wi' me tae Clunie brae,
Where sweet birdies sing their sang,
=And the lambkins frisk an' play;
Whaur the bonnie bluebell's growin',
=There we'll pass the lee lang day
Wi' true love my heart is lowein',
=Sae, bonnie lassie, come away.

Fu' blithe we'll pass the 'oors awa',
=We'll never miss the time gae by;
For love sune chains the hearts o' a',
=And real true love can never die;
Sae, Tilly, let's be happy noo,
=I dinna like tae see ye sigh;
Gie's ae bit kiss frae yer sweet mou',
=Syne tae Clunie brae let's hie.

Hearken tae ilk bonnie bird,
=Hoo they trill their sangs wi' glee;
_That_ sud cheer yer heart, my wird,
=And mak' yer spirits licht and free;
Noo, yer lauchin' Tilly dear,
=That bit smile I'm prood tae see,
Sae, frae this 'oor let's prove sincere,
=Syne we'll ever happy be.


OH! the dear auld days, the sweet auld days,
=The days o' auld langsyne;
Whan we were wee, wi' spirits free,
='Tis sweet tae bring tae min'.
The funny pranks we used tae play,
=Whan bairnies fu' o' glee;
An' hoo we then on ilka day,
=Wad romp aboot sae free.

When schule was dune we aft wad rin,
=Doon tae some wimplin' burn;
An' there we'd play the lee lang day,
=An' ne'er think tae return.
Fu' aft we'd paidle up an' doon,
=The fun tae us was fine,
We'd ne'er a thocht for ocht aroon',
=In the sweet days o' langsyne.

For aft we'd gang the woods amang,
=An' gether sweet blue bells;
An' as we'd stray blackberries tae,
=Wi' whilk we filled oorsels.
Aften tae we'd pu' sweet brambles,
='Lang wi' oor playmates then;
An' mony were oor walks an' rambles,
=Hoo we wish them back again.

But weel we ken oor wish is vain,
=Nae mair they'll come again;
Sae while we're here, let's raise a cheer,
=An' sing this mirthfu' strain;
The guid auld days, the dear auld days,
='Tis sweet tae bring tae min';
The grand auld days, the dear auld days,
=The days o' auld langsyne.


FU' oft I've roamed up Patterton braes
=Whaur birdies warble cheerie O,
To tune my hamely lyre in praise
=O' Jean, my ain kind dearie O.

When up near tae the Bluebell Wood
=In simmer time it's cheerie O,
When you are in your mildest mood,
=Enraptured wi' your dearie O.

The auld "Spy Hoose" upon the braes,
=Though it looks aye sae eerie O,
Near it I've spent life's gowden days
=Alang wi' my ain kind dearie O.

I'm laith tae leave the braes whaur I
=Wad stray in simmer cheerie O,
'Lang wi' the lass wha milk't the kye,
=My sonsie, darlin' dearie O.


WEE Willie Winnelstrae, roguish wee loon,
Up tae ev'ry mischief in this muckle toon,
Ye rin wi' ither laddies bad tae I ween,
An' ye micht think shame wi' them tae be seen.

Wee Willie Winnelstrae, I heard ye ran aff,
You an' some mair, wi' Patie Broon's pet cauf,
An' whaur ye's left the puir thing it was a shame,
Noo ilk ane roon' aboot says it was your blame.

Wee Willie Winnelstrae, ye were a clever wean,
But noo this wee while a' tae the bad ye've gane;
Ye dinna care a single preen whate'er ye dae,
An' I am sure it's useless a' that I can say.

Wee Willie Winnelstrae, jist list tae me noo,
An' I will let ye ken what ye sud do:
Never mix wi' callans that ye think are bad,
An' frae this 'oor ye'll be yer mither's ain lad.



THEY stood within the Abbey walls
=One eve in sweet July,
And here they vowed to aye be true
=With many a loving sigh.
But soon the news of battle fierce
=Told him that he must go
With comrades brave to grapple with
=Old England's bitter foe.

The parting 'tween those lovers then
=Caused them much bitter pain,
For sad it was for each to think
=They ne'er might meet again.
But hope was strong within their hearts,
=They trusted Him above,
And placed in His almighty hands
=The secret of their love.

His regiment soon was called away
=To Egypt's far-off land,
And there amongst his comrades brave
=He made a gallant stand.
As fate would have it he was in
=The foremost of the fray;
And there, alas! got his death wound
=On that eventful day.

The news to his betrothed soon came,
=And oh! 'twas sad to bear;
She slowly sank beneath the load
=For naught then did she care.
She'd nothing now to linger for
=Since he had gone before;
But now they've met in that bright land
=Where partings are no more.


WE met, but oh! that meeting,
=Fate doomed to be our last;
Long had we loved each other,
=And time sped all too fast.
I gazed into her lovely eyes,
=And scanned her form so fair;
Methought no angel in the skies
=Could with my love compare.

I fondly clasped her little hand,
=Beneath the old oak tree;
And there with sighs and tears and vows,
=She plighted troth with me.
No jealous doubt oppressed my heart,
=Amid that hour's delight;
And with a thrilling sweet embrace,
=We kissed our last "Goodnight."

We parted 'neath the old oak tree,
=Without one throb of pain;
For we had vowed some other time,
=To seek the place again.
But ere we met a heartless knave,
=With dark malignant art;
Drew her sweet soul from virtue's paths,
=And broke her tender heart.

Yes, he, vile monster, left her thus,
=In misery to die;
And ere the year had sped its course,
=Her spirit soared on high.
To God who gave it and whose love,
=Can cleanse away each stain;
Oh may I meet her there above,
=Where joys immortal reign.


EH, losh preserve us a'! what's wrang?
=Whaur hae ye been this nicht, Johnnie?
Awa' I've nae doot, wi' that gang
=Wha made ye leave a faithfu' cronie.
But, by my certies, you will yet
=Live to rue sic a carry-on;
Sic wark as this I'll no forget,
=An' that as sure as your name's John.

Ye guid-for-naething senseless fule,
=Come tell me quick whaur ye hae been;
Noo mind yersel'-don't coup the stool-
=Losh me! yer like I've never seen.
You've been wi' Tam M'Luckie, hae ye?
=He's a fine ane to ca' a mate;
Aweel, aweel, guid forgi'e ye,
=An' that's whaur ye hae been sae late?

Haud aff o' that, ye drucken loon;
=Ye're getting jist a fair disgrace;
You'll be the talk o' a' the toon,
=If ye keep gaun at sic a pace.
You'll be the death o' me ye will,
=An' o' my puir negleckit weans;
I'm shair o' grief I've got my fill,
=An' that's a' I get for my pains.

You'll be a better man, you say;
=Aweel, aweel, John, time will tell;
If ye reform noo frae this day,
='Twill be a bliss for me an' yersel'.
But ye hae promised oft before;
=I trust you'll keep this promise noo;
An' if you never taste drink more,
=A happy hame we'll hae, I voo.


FRA auld St Giles' the 'oor o' twal'
=Was chimin' lood an' clear,
The ither nicht, as croods were seen
=To their hames drawing near.
Amang the lot was Johnnie Black,
=A harum-scarum loon.
Wha this while back had taen to drink,
=Whilk fast had brung him doon.

Within his noo deserted hame
=His wife sat pale an' wan,
While on her breast there nestled close
=Her tiny baby, Fran'.
On this nicht she had waited long
=Her husband's coming hame,
Until the nicht had passed, an' then
=The 'oor o' twal' had come.

Oh, John, he'll shuirly come hame noo,
=She thus says to hersel';
Then as she clasps Fran' to her breast,
=At last she hears the bell.
The door was ope'd, and John stapped in
=To his noo cheerless hame;
An' as he looked aroond, cried, "Wife,
=I see am sair to blame.

"Frae this nicht oot I'll promise, wife,
=Nae mair to drink again;
For, ah, I see the curse o't noo-
=It's misery an' pain.
An' in this firm resolve, guidwife,
=We'll trust in Him above,
Wha watches e'en the sparrow's fa',
=Wha is the God of Love."



WHEN Willie Broon cam' hame frae sea,
A wheen o's met him on the quay,
For Will had promised tae bring hame
Some beastie wi' a furran name,
Wha wad be shair tae gie's some fun
At nicht when a' oor wark was done.

Weel, as I said, when Will cam' back,
He brocht wi' him a beastie, black,
A wee low-set an' grinnin' cratur',
An' losh it had an awfu' natur',
Unless ye first wad try tae please it
It wad aloo nae ane tae tease it.

Weel time went on an' Will ance mair
Had tae rejoin his ship "St Clair,"
An' left wi' us that awfu' beastie
Wha had in store for us a feastie.
An' noo I'll tell the story oot
Of hoo the thing cam' a' aboot.

'Twas New Year time an' ilka wean
Had a' got their holidays again,
An' sune there was arranged tae be
In the big ha' a gran' soiree,
Whan croods o' fouk frae miles aroon'
Were on this nicht a' coming doon.

The nicht arrived an' the big ha'
Was sune filled up wi' fouks fu' braw,
But what was that? was sune the cry
We heard frae ilka ane gaun by,
For fouk were rinnin' here an' there
After some object on the flair.

Frae en-tae-en' was sic uproar
The like was never seen before,
Till syne it reached the big ha' press
When loshie me!  I maun confess
'Twas jist that beastie frae oor hoose
Through some mishap had gotten loose.


SOFTLY fa's the glistening dew
=Frae yon hills aboon Bonaw,
An' lichtsome is the burnie's soun'
=As it glides to famed Loch-Awe.

The mellow mavis sings its sang
=Cheerily the lee-lang day,
Its tunefu' music fills the air,
=While blithe lambkins frisk an' play.

Aroon' this sweet enchanting spot
=Leeves a lassie leal an' true,
Wi' twa cheeks like roses red,
=An' twa een o' bonnie blue.

It's in a wee bit theekit cot
=There serenely she does dwell,
Wi' modest ways an' queenly grace
=Few aroon' can her excel.

Sweet happiness beams on the face
=O' this lassie fu' o' smiles,
An' nocht but pleasure lichts the e'e
=O' her sae fu' o' artless wiles.

At e'enin's fa', beside the burn,
=Fu' oft I meet this bonnie queen;
Then tales o' fondest love I breathe
=To this lass o' modest mien.

The time fu' swiftly glides awa'
=As we wander doon the glen,
We've scarce a thocht for ocht aroon
=For we feel sae happy _then_.

But sune the happy time will come
=When my ain sweet bride she'll be;
Then happiness will aye be mine,
=Poortith's froon we'll never dree.


GUID gracious me is that yersel'?
=Man, Tam, yer looking weel;
You've shairly gane an jined tee-tee,
=Or Fortune's turned the wheel?
Yer lachan' noo.  What's that ye say-
=Yer a "Blue Ribbon" man?
Aweel I am prood to hear't indeed,
=For I'm ane o' yer clan.

You, man, Watty! weel, let's shake hauns,
=An' let's prove brithers true;
An' try an' get ithers as weel
=Tae don the ribbon blue.
But noo man, Tam, I'd like tae ken
=What gar'd you take this step,
For you are greatly changed indeed
=Frae the last time we met.

Aye, Watty, feth ye speak the truth,
=For changed I am in style;
Too long I've been a ne'er-dae-weel,
=Wha car'd for nocht the while.
But since brave Murphy he cam here
=Tae Embro's busy toon,
There's nocht but pleasure in our hame,
=Like bless cam frae aboon.

Oh, Tam, you've cheered me up this nicht,
=For prood am I tae ken
That baith o' us henceforth will be
=Twa leal "Blue Ribbon" men;
An' by oor acts let's try an' win
=Ithers that's gane astray
Ower tae oor cause, an' they like us,
=Might leeve to bless the day.


IN a wee bit theekit cot there leeves
=A lassie trig an' braw;
Wha wi' her cheery winsome smile
=Has stown my heart awa'.
She has twa lauchin' witchin' e'en,
=Whilk are a bonnie blue;
An' oh, sic pretty waving hair
=O' brichtly gowden hue.

Yestreen as I gaed doon the glen,
=When gloamin' shadowed a',
I met my queen beside yon bower
=Near by her faither's ha';
And there we spak o' love sae true
=As we sat side by side.
Wi' my airm roon' her waist inclined
=The time did swiftly glide.

Syne we wandered up the glen,
=As time was fleein' fast,
An' ere we pairted vowed tae be
=Baith true untae the last.
Wi' sic' a gem tae share ane's life
=A man has nocht tae fear,
For oh, its bliss beyond compare
=A wife wha's aye sincere.


LAUCHIN' blue-eyed lassie
=Wi' the sweet wee mou,
Lauchin' blue-eyed lassie
=Wi' a heart sae true
Lassie fu' o' witchin' grace,
=Lassie fu' o' artless wiles,
It is bliss tae see her face,
=Aye sae fu' o' beaming smiles.

Lauchin' blue-eyed lassie,
=Wi' the form sae fair,
Lauchin' blue-eyed lassie,
=Like a jewel sae rare,
Happiness keeks frae ilk e'e,
=Happiness keeks frae her a';
Few sae bricht I ere did see
=As this lassie young an' braw.

Lauchin' blue-eyed lassie
=Lichtsome a' day lang,
Lauchin' blue-eyed lassie,
=Cheery is her sang,
May she lang be aye sae free,
=May she never wear a froon,
An' may she forever be
=The joy an' pet o' a' aroon.


WHAUR ha'e ye been a' the day,
=Wee Willie Wallacky?
Causin' mammy grief an' wae,
=Wee Willie Wallacky?
Mony a time afore the nicht
You've been tell't tae keep in sicht;
But naething will gi'e you a fricht,
=Roguish Willie Wallacky.

You've been wi' ither bairns, ye say,
=Wee Willie Wallacky?
At the sandy-holes at play,
=Eh, Willie Wallacky?
Noo, dinna stan' an' tell a lee,
For plainly in yer face I see
Ye want tae try an' blindfold _me_,
=Roguish Willie Wallacky.

Noo, try an' be a man for aince,
=Wee Willie Wallacky;
An' tell the truth withoot a wince,
=Noo, Willie Wallacky.
For truth, my man, aye stan's the test;
It is the safest coorse an' best,
Noo, dinna think I mean tae jest,
=Roguish Willie Wallacky.

You've been wi' that wee lassie Broon,
=Hae ye, Willie Wallacky?
Aweel, aweel, nae mair I'll froon
=On ye, Willie Wallacky.
For Jessie Broon she's liked by a',
A blither lassock I ne'er saw
But, mind, don't wi' her rin awa,
=Roguish Willie Wallacky.


YOUNG Tam o' the Glen he's weel lo'ed by a',
=For a blither young lad ne'er was seen,
An' there's mony braw lasses wha leeve in oor ha'
=Wad fain, aye fu' fain be his queen.
But Tam he's too wary, whatever's the wrang-
=He's coonted the cutest o' men-
For a' he has siller an' ilka thing gran',
=He leeves single, young Tam o' the Glen.

Since Tam he cam' first tae leeve in the Glen
=Tae puir folk he's acted fu' braw;
His mony kind acts amang them since then
=Ha'e stamped him the king o' us a'.
An' sae he's respeckit by baith auld an' young,
=By the lasses mair sae than the men,
For ilk strappin' hizzie wad fain be the queen
=O' winsome young Tam o' the Glen.

But Tam's in nae hurry, sae it appears,
=Tae tak' tae himsel' a bit wife,
Although I've nae doot but some o' the dears
=Wad cheer up his lanely bit life.
An' mak' him feel happy whene'er he felt sad,
=An' tae his bit wants aye atten';
But that disna seem tae be the wish yet
=O' happy young Tam o' the Glen.

Sae ye lasses a' maun jist be content-
=Yer time it will come if's tae be-
Ye canna a' get young Tam, that's weel kent,
=Sae keep up yer hearts, dinna dree.
But something I've heard, an' sud it prove true,
=The hale o's will very sune ken,
That at last there's gaun tae be a wife ta'en
=By far-seein' Tam o' the Glen.


DOON by a wimplin' burnie sweet
=Leeves a lassie, trig an' braw-
A lassie wi' twa een sae blue,
=A lass wha's Queen o' Allenshaw.

There's few but's heard o' this fair lass-
=She's kent a' roon by ane an' a';
Her modest ways an' charming grace
=Hae made her Queen o' Allanshaw.

Fu' mony lasses I hae seen,
=Baith at hame an' far awa;
But ne'er a ane could I match wi'
=This winsome Queen o' Allanshaw.

Her cheery face, her winning ways,
=Mak's her the gem o' oor bit ha';
Tae see the smile is bliss itsel'
=O' her, the Queen o' Allanshaw.

Sweet birdies sing the hale day lang
=Their tunefu' lays frae tree or wa',
But sweeter far to me's the voice
=O' her, the Queen o' Allanshaw.

Yestreen I strayed adoon the glen
=A wee tae pass the time awa,
When, guess ye, wha I met, alane-
=Nane but the Queen o' Allanshaw.

We strayed thegether doon the glen,
=An' thocht nae on the time ava,
For oh, 'twas bliss tae be there wi'
=The winsome Queen o' Allanshaw.

The shades o' e'enin' gathered roon
=Ere I saw her hame tae her ain ha';
But noo she'll sune be a' my ain,
=Nelly, the Queen o' Allanshaw.


ON going home one night of late through the blinding sleet,
Thinking of my home and wife and children's prattling feet,
I paused beside a lamp-post, for something met my view-
Then I beheld a mother and tiny infant too;
Alone they were, and in the snow a very painful sight.
She cried, "Kind Sir, please buy this: it is my last tonight."

Twas but a box of matches she was asking me to buy,
And as I took them from her hand she rose up with a sigh,
And cried "Thank God, _now_ I'll get home to my husband dear,
Who is lying ill, kind sir, not very far from here.
I fear that he is dying, too, as the doctor said to-day
He didn't think that Tom would live, before he went away."

After she said those words to me she turned as if to go;
And as she made the effort I saw she trembled so.
Moved by a sudden impulse, I cried "Stay one moment more;
You'll better take this coin from me - 'twill help to tide you o'er.
And please to tell me your address, where you at present stay,
And early on the morrow I will try to call your way."

The woman, with her tiny babe, then looked me in the face,
And said, "Kind Sir, God will reward you for this act of grace."
And then she gave me her address, and name too as well,
Hoping that I'd call next day, when more to me she'd tell.
With that she turned and left me; and as I watched her go
She hurried home as fast's she could, on through the blinding snow.

I called, as promised, the next day, when, sad, sad to relate,
I found her husband and her babe both in a dying state.
The doctor had just left, she said, and what was she to do
If she lost both her husband and her tiny infant too?
I told her all might yet come well, and to be of good cheer,
"But, ah," she said, "Kind Sir, I know that both their ends are near."

A little while we waited; but at last the end did come,
First the husband, then the babe, were called to their last home.
The wife and mother then sank down, sobbing, on the floor;
Some neighbours tried to raise her, but still she sobbed the more.
At length she rose, and went to where the dead lay on the bed;
Then, with a sudden cry, we knew her spirit too had fled!



MY sweet wee winsome bairnie,
=Faither's dautit wean,
For whate'er comes ye carenae,
=Naething gie's ye pain.
Come an' sing a sang tae me
=Here atween my knees,
Syne a braw thing you will see
=That will my lassie please.

Eh! Jess yer awfu' prood noo
=Wi' yer lauchin' een;
Sae stan' there an' be good noo,
=Sing me 'Bonnie Jean.'
Eh! but ye're awfu' clever,
=Faither's ain wee lass,
I'm shair, I think, there never
=Was ane could you surpass.

Noo, you'll see the bonnie thing
=That I've got for ye,
A' because ye did sing
=That wee sang tae me.
There ye are my bonnie pet,
=Rin tae mammy there,
Let her see that ye did get,
=A 'baby' I declare.

See, there she's awa dancing
=Tae let her mammy see,
Syne wi' her doll she's prancing
=Fu' o' weanish glee.
May she aye be happy sae,
=An' sae free o' care
Frae this until her last day
=Is oor heartfelt prayer.


OH! dinna grieve for me, mither,
=Although you I maun lea';
Oh! dinna grieve for me, mither,
=I'm nane afraid tae dee.

I ken it's hard tae pairt, mither,
=It's hard for you an' me;
But when we're true in heart, mither,
=We needna fear tae dee.

You've aye been kind tae me, mither,
=Ay true and kind tae me;
An' God will bless thee noo, mither,
=Yes, He'll remember thee.

Oh! what is that I see, mither?
=What's this that noo I see?
'Tis angels come for me, mither,
=Ah! we maun pairted be.

See! see! they're comin' near, mither,
=Their voices sweet I hear,
A' hymning themes sae grand, mither,
=My spirit faint tae cheer.

Ah! noo I'll sune be there, mither,
=Safe on that golden shore,
Whaur a' is bricht an' fair, mither,
=Tae dwell for evermore.

They're here! I see them a' mther,
=In robes o' white they shine.
Oh! dinna greet, we sune will meet
=In yonder land divine.


BONNIE lassie, smilin' lassie,
=Wi' the een sae blue;
Bonnie lassie, smilin' lassie,
=Wi' a heart sae true.
Gowden hair an' pearly teeth,
=A' aboot her bonnie O;
She's the sweetest lass in Leith,
=A gem amang mony O.

Bonnie lassie, smilin' lassie,
=Wi' the modest mien;
Bonnie lassie, smilin' lassie,
=Sweetest ere was seen.
Happy may thy days aye be,
=An' may they be mony O;
May nocht but pleasure shine on thee,
=An' keep thee bright as ony O.



A FUNNY bit body was bauldy Kilwuddie,
=(An' sae were his boon drucken mates),
Frae morn tae e'en he was shair tae be seen
=In that ale-hoose ca'd Lucky Kate's.
He wad get boozy there, syne aff tae the square
=A wee bit doon by Lucky's place,
An' there wi' his crew, the hale lot roarin' fou,
=Wad try wha could beat _him_ a race.

Fu' aften I mind I wad watch frae behind
=Their drucken manoeuvres tae see,
An' Bauldy, the loon, he wad rin up an' doon
=As nimble as ony bit flea.
I declare but ye'd lauched tae hear hoo they chaffed
=Whan they saw Bauldy's cairry-on's there,
But whate'er they wad say, or whate'er they wad dae,
=No' a preen did auld Kilwuddie care.

Yae nicht when they met, I can never forget,
='Twas doon in auld Lucky's ale-hoose,
The time was gey late, eleven o'clock nate,
=They'd began a' tae feel unco croose,
Whan wha poppit in but Donald Loch-Linn,
=A big burly bobby in blue,
Wi' a thundering thump he made them a' jump,
=While the door was 'maist broken in two.

Lucky Kate she cam' ben, ta'en a look at the men,
=Syne speired for the cause o' the row;
They a' feigned surprise till Kilwuddie did rise,
=Wha made a' things richt sune I trow.
'Twould ha'e been a coort case an' the talk o' the place,
=Aye an' ruined Kate's business an' a',
But for Bauldy Kilwuddie, that awfu' body,
=Wha noo frae _oor_ ken is awa'.


WINSOME little Tilly,
=Darling precious thing;
Winsome little Tilly
=Happiness doth bring.
As she rests on mammy's knee,
=Like a jewel so rare,
Nothing in this world to us
=Can with her compare.

Winsome little Tilly,
=Answers every call;
Winsome little Tilly,
=She's beloved by all.
And she's mammy's only pet,
=Her daddy's only joy,
This peerless little maiden,
=So artless and so coy.


I KEN a lassie, a winsome young lassie,
=Wha reigns the queen o' oor toon;
Whaure'er she may be she's aye fu' o' glee,
=On her face you'll ne'er see a froon.
Wi' her bricht gowden hair there's few can compare
=Wi' this braw bewitching young queen,
An' O it's pure bliss tae steal a fond kiss
=Frae her, the sweetest e'er seen.

I ne'er can forget the first time that we met,
=It was doon by sweet Westerlea,
She was warbling some sang as I cam' alang
=In a voice baith happy an' free.
Her tones sweet an' clear were hushed 's I cam' near,
=While at me she lookit fu' sly,
Her sweet winning smile bewitched me the while,
=An' made me stan' there looking shy.

But we sune cam' acquaint, flung aside a' restraint,
=For the lass was blithesome an' free;
I syne speired her name, an' likewise her hame,
=An' baith them she freely did gi'e.
Nae mair was I shy, but fu' happy was I
=Tae ha'e sic a winsome young queen,
An' I vowed there alane tae meet sune again
=This lass wi' the sweet modest mien.

Fu' aften since then I ha'e met my fair Jen'-
=For that is the lassie's sweet name-
An' aften we've strayed through some sheltered glade
=Ne'er thinking 'twas time tae gae hame.
But sweet love, we a' ken, is oor rulers then,
=Whan wi' them that we lo'e fu' dear,
An' there's naething like this, it truly is bliss,
=Tae ken that yer lassie's sincere.


AULD Tammy Turley and the wife
=Thocht they'd hae a trip thegither,
Being Glesca Fair, work nae rife,
=An' the prospect o' guid weather.
Sune they settled whaur they'd gang,
=An' Miliport was the lucky place;
Sae airm-in-airm they trudged alang,
=And steamer got efter a race.

Inside the steamer, oh! sic fun
=Ye never saw in a' yer life,
Ticket-lifting had jist begun,
=But whaur awa was Tammy's wife?
An' noo the man loodly cries oot-
="Tickets, sir; tickets please,"
Whilk put puir Tammy much aboot,
=For Tam had nocht but the _hoose keys_.

As weel's he could, Tam spluttered oot-
="As shair as daith _I've_ nocht ava,
Some boo or ither Tib, I doot,
=Has frae my side been ta'en awa.
An' Tibby keeps the purse ye ken,
=I never keep it, no, not me;
I think it disna become men
=To keep the purse; noo, what think ye?"

As Tam stopped speaking, forrit cam'
=Tib a' at aince upon the scene,
Wha said she'd jist been for a dram
=Wi' Jenny Crumps, a gey auld freen.
Sae things were sune explained, an' then
=Their fares were pay'd an' tickets for't,
An' naething further happened when
=A' landit safe doon at Millport.

Safe there they had lodgings tae get,
=But that turned oot warst o' a',
For deil a place was there "To Let,"
=An' nane wad tak' them in ava.
Tam's wife got into sic a state
=Wi' thochts o' lying oot a' nicht,
An' noo as it was unco late,
=It really gied them baith a fricht.

In desperation they at last
=Resolved tae lie inside a boat,
An' vowed when eerie nicht was past
=That they again wad be afloat.
But it wad be tae Glesca then,
=For, oh! they wished they'd ne'er cam' here,
And never wad they come again,
=But bide in Glesca a' the year.


LASSIE wi' the een sae blue,
=Lassie wi' the gowden hair,
Lassie wi' the bonnie mou,
=To me thou'rt fairest o' the fair.
Come wi' me, my winsome flo'er,
=Come wi' me adoon the glen,
An' we'll pass a happy oor
=In yon spot ca'd Thornie Den.

_Chorus_-Then, my lassie, let us gang
=An' we'll rest the flo'ers amang,
=In the sweetest spot we ken,
=Ower in bonnie Thornie Den.

Sweet the mavis sings its sang,
=Sweet the blackbird trills its lay,
Sweet it is the hale day lang,
=But mair sweet at gloaming grey.
Sae, lassie, let us hie awa,
=Let us gang adoon the glen
To the loveliest spot o' a',
=Winsome, bonnie Thornie Den. - _Chorus_.

There we'll speak o' luve sae dear,
=There we'll sing a canty sang,
An' be happy, fu' o' cheer,
=As we rest the flo'ers amang.
Ilka thing is rich and rare,
='Tis the brawest spot we ken;
Oh! 'tis sweet beyond compare,
=Winsome, bonnie Thornie Den. - _Chorus_.


ARRAH!  Biddy, my darling, be aisy,
=Ye know that I love ye sincere;
So what is the good ov yer pleadin',
=My purty, swate, little dear.
Shure, there isn't a girl in Ireland
=That I'd have before ye, I say;
So _now_ give over me both'ring,
=And let's have a good dhrop ov tay.

For ye are my darling, my daisy,
=Yer all in the world to me,
And I would not part wid ye now
=For the wealth ov land or sea;
And I'm proud indeed ov ye too,
=The truth to ye now I do tell,
For yer such a swate little crathure,
=And my own little Irish belle.

Shure its twelve years now come Aister since
=I tuck ye to be my own wife,
And since that swate morning, darling,
=Ye've been the bright star ov my life;
And we have always been so happy,
=We've never known trouble or care,
While others around us, dear Biddy,
=Have sometimes had more than their share.

So, Biddy, ye are quite a jewel,
=And a blessing to me ye have been;
I belave there's not in owld Ireland
=Yer own equal e'er to be seen.
So now give over me both'ring
=And listen to what I do say,
And let us be happy together
=While we're having a good dhrop ov tay.


COME here, my sweet wee bairnie,
=To your daddie noo,
For I've got something for ye-
=Something that ye lo'e.
What is it? - ye want to ken;
=Gie me first a kiss,
And ye'll see what I've got then,
=Pawky little miss.

Noo ye're good, my bonnie wean-
=That was awfu' sweet;
Come an' gi'e me ane again-
=That ane was a treat.
There, Jessie, tak' a rest noo,
=An' ye'll get yer prize;
It's something ye like best noo-
=A doll, wi' lauchin' eyes.

Eh, I see ye're unco prood,
=Wi' yer doll sae braw,
Sae try an' keep it nice an' good,
=To please yer ain da'.
And when mammy dis come in,
=She'll get a surprise
When she sees this bonnie yin-
=The doll wi' lauchin' eyes.


YESTREEN as I strayed in the gloamin',
=On the banks o' the Clyde fu' serenely,
I met a sweet lass there a-roamin',
=A lassie fu' braw an' fu' queenly.
She'd cheeks rosy red an' bricht gowden hair
=An' twa een o' a sweet bonnie blue,
Wi' cherry red flps sae lovely an' rare-
=Jist a lass that a laddie wad loe!

The lassie was blithe as she cam' alang
=Wi' a smile sae bewitchin' tae see;
An' gaily she sang an auld Scottish sang
=In a voice baith lichtsome an' free.
I thocht I ne'er saw sic a bricht sweet face,
=Nor a brawer or bonnier mou',
Wi' sic a bricht smile an' rare modest grace-
=Jist a lass that a laddie wad loe!

I ventured tae speak, wi' this maid sae fair;
=An' sweetly she tell't me her name,
An' whaur she cam' frae up in Kenmair
=(A secluded but sweet rural hame.)
Her ways were sae winning an' sae fu' o' smiles
=That betwitched I was fairly, I voo;
An' sae guileless her style wi' sweet artless wiles-
=Jist a lass that a laddie wad loe!

I stood quite enchanted beside the fair queen,
=Syne asked her tae sit doon awee,
She didna say nay; but sat doon a' serene,
=Whilk made me feel happy an' free,
I vowed there alane that I loe'd her fu' weel,
=An' speered if tae me she'd be true?
Wi' a sweet winsome "Yes" my bliss she did seal-
=Did this lass I noo fondly be!


FAITHER, come near an' tak' my haun',
=I feel I'm deein' fast;
But, ah! I weary for the 'oor
=That on earth'll be my last.

Up in heav'n aboon, faither,
=I ken I sune will be
Whaur Jesus has prepared, faither,
=A bricht, bricht hame for me.

The verra thocht o't mak's me glad,
=The thocht o' God's ain care;
An' oh! I'll meet wi' mither, dear,
=She said she'd see me there.

Sae dinna, dinna grieve, faither,
=But try an' cheerfu' be;
An' hope we'll meet again, faither,
=In yon bricht lan' sae free.

But, faither, hark!  What's that I hear
=That's saftly coming doon!
Oh! 'tis surely angels voices
=Frae God's bricht hame aboon.

See! there they're coming on, faither,
=An' oh, 'tis sweet tae hear
The hymns they sing sae gran' faither,
=My weary heart to cheer.

Ah! sune I'll be in that choir, tae,
=Up in that happy lan',
Wi' my Saviour there beside me,
=A holy, happy ban'.

See! the angels noo are waiting,
=Waiting to waft me o'er;
Noo dinna greet, we yet may meet
=On yonder golden shore.


AWAY down in a dell, the spot I'll not tell,
=Lives a sweet little maiden divine,
There I met her one day a-making of hay
=While the sun bright above us did shine.
As I gazed on her face I could easily trace
=The sweet blush she in vain tried to hide,
And her sweet winning smile beguiled me the while
=As I fondly stood there by her side.


Oh, I ne'er will forget the day that we met,
=Since then she's been all that I thought her,
And now often we meet in that same retreat
=Where I first met my sweet shepherd's daughter.

Her old father he is brave, honest, and free,
=Each day on the hill he is there,
Where he tends to the sheep that are in his keep,
=And there's few that can with him compare.
And his sweet daughter too, so good and so true,
=She toils away down in the dell,
With the farmer all day a-making the hay,
=Does my brght little fairy belle. - CHORUS.

When my day's work is done I oft to her run,
=Where we meet 'neath the shade of a tree,
It's there that we two breathe our love tales anew
=Where no prying eyes can us see.
But the time now is nigh this bright month of July
=When she's going to become my wife;
He has consented too, her father so true,
=And made us both happy for life. - CHORUS.


A douce weel-faured lassie was Jenny M'Craw
An' the triggest wee kimmer that ever ye saw,
Aye spruce neat an' clean it was easy tae see
That Jen was the lassie tae tak' a chap's e'e.
But Jen had yae fau't-an' a bad ane 'twas tae-
She gaed wi' ower mony, at least I've heard sae;
An' noo a bit story I'll e'en tell tae you
Aboot this same Jen whilk I vow is a' true.

Noo, Jen had for wooers maist a dizzen or sae,
An' for miles tae aroon some o' them cam' frae,
An' she, kindly body, had a smile for them a'
Whene'er they wad meet, be't in street or in ha';
An' that same bit smile aye made the thing waur,
It gar'd the chiels venture a bittock mair faur,
Till syne ilk ane wad speir when her they could see,
An' Jen the wee flirt aye an answer wad gie.

An' sae very sune the great climax it cam'
In an offer o' mairrage frae a chiel they ca'd Sam;
But Sam wasna jist the bit lad she lo'ed best,
Although he was better than some o' the rest,
But as luck wad ha'e it this nicht o' a' nichts
Puir Jen was destined tae get twa-three big frichts,
For jist as Sam stood quietly pleading his suit
Frae 'neath a big thicket something poppit out.

An' what was't, dae ye think? but a hauf dizzen mair
O' chiels Jen had led awa intae her snare;
At sicht o' their faces she ran swiftly awa,
An' ne'er stopped till she got safe in her ain ha'.
The story sune spread hoo the flirt was faund oot,
An' caused muckle laughter the hale place aboot,
Whilk made the puir lassie depairt there an' then,
An' nae mair's ere been heard concernin' fause Jen.


YE thochtless tyke, what time o' nicht
=Is this for tae come hame?
Whan ither decent fouk's in bed-
=Oh! div ye no think shame?
But shame's no in ye, that I ken,
=Ye drucken ne'er-dae-weel!
You've mair thocht for the dram-shop there-
=Aye, that ye hae, atweel!

Ye drucken loon, come tell me quick
=Whaur ye hae been, ava?
I'm shair it's waefu' that frae drink
=Ye canna keep awa.
An' bidin' tae sic 'oors as this,
=When ye should be in bed;
I doot there's something in this wark;
=Come, tell the truth, noo, Ted?

Can ye no speak?  What's wrang wi' ye?
=Ye guid-for-naething loon,
Yer gettin' jist a fair disgrace,
=An' _that_ ye'll be gey soon.
Noo, dinna stan' there like a mute-
=The truth I want tae ken,
Sae tell me noo the _truth_ for aince,
=It's nae too late tae men'.

You've been wi' twa-three bosom freens
=At Bob Broon's birthday spree;
Aweel, aweel, if _that's_ the case,
=You this time I'll forgie.
But mind, sic wark as this, my man,
=Will never, never dae;
Ye maun gie up that waefu' drink,
=Aye, frae this very day!


KATE McFluffle was the drollest
=Lassockie that ere ye saw,
'Mang the hizzies in oor clachan
=She was foremost o' them a'.
Up tae mischief she was ever,
=No ae preen, did Katie care;
Whate'er cam' o' what she did,
=Sae fond was she o' a 'tare.'

A clachan chiel ca'ed Jamie Whap
=Was geyan ill aff for a mate,
Ane wha wad make a couthie wife,
=Sae Jeames was introduced tae Kate.
But Kate she was a born deil,
=For when Jamie asked her oot
Tae hae a walk as lovers should,
=What think ye syne cam' aboot?

Weel, Kate, of course as was arranged,
=Set out for the appointed place
Whaur Jeames stuid waitin' lang an' wearied
=For a glint o' her sweet face.
An' when at last she did arrive,
=Richt prood was Jamie tae be there;
But what was't gar'd the chiel tak' flicht
=As if for dear life ower the Mair?

Weel, it was juist that hizzie Kate,
=Wha was a rantin' deil-ma-care,
Had asked ilk lassie in the clachan
=Forth tae meet her on the Mair.
The jade she ne'er lat on that she
=A tryst had set wi' Jeames ava,
An' sae when ilk ane had arrived
=The chiel took fricht an' "flew" awa.

Syne, when the lassies had got hame
=A' the clachan sune got word
Hoo puir Jamie had been diddled,
=Then sic lauchen ne'er was heard.
But Katie was kent baith far an' near
=For a' the awfu' tricks she played,
An' this was jist ane o' the mony,
=An' was hoo her fame was made.


DEAR Will a little closer come,
=I may not be long with you here;
But ere I go I have a tale,
=That to you I'd like to make clear.
So listen comrade a little,
=While I tell of something to you;
It's of a maid I loved sincerely,
=And who to me was always true.

Fifteen long years have now gone past,
=Since that dear day when last we met;
But still her loving parting words,
=Are living in my memory yet.
I suddenly was called away,
=And oh! the parting gave us pain;
But ah! how little did we think,
=That we should never meet again.

Such happy days we used to spend,
=When we were little girl and boy,
At our homes in bonnie Scotland,
=Those were the times we did enjoy.
And oft we strayed by gowan braes,
=And oft by mountain, rock and fell,
Where we used to build bright castles,
=And sweet tales of love would tell.

Ah! those scenes of merry childhood,
=When we together roamed at will;
Each other telling bright love tales,
=Are all a sweet remembrance still.
When I at last to manhood grew,
=I vowed a soldier I would be;
And so against advices all,
=I soon got "listed" as you see.

That day I told my love the tale,
=That in my hand I'd got the "bob;"
I thought my darling's heart would break,
=With every faintly utter'd sob.
The pangs I felt I need not tell,
=At thought of going far away;
But I said "keep up your heart love,
=And I'll return home some day."

Now you know my tale dear comrade,
=And I've little more to tell;
But I wish that you'd go to her,
=When I'm gone with Christ to dwell.
And tell her I sincerely loved her,
=Her face I longed to see once more;
And that I fondly hope to clasp her,
=To my breast on Heaven's bright shore.


SWEET lassie, will ye gang wi' me,
=Ower the hills to Fairlie?
And there richt happy we will be,
=When we are in Fairlie;
We'll speel the braes we lo'e sae weel,
Syne veesit granny at her wheel;
Oh, happy, happy we will feel,
=When we are in Fairlie.

Sae, winsome lassie come awa,
=Ower the hills to Fairlie;
And there we'll bide till gloamin's fa',
=When we are in Fairlie.
Fu' swiftly will the time gae by,
Sae, lassie dinna look sae shy;
But let us noo fu' swiftly hie,
=Ower the hills to Fairlie.

Auld granny lang has wished to see
=The baith o' us at Fairlie;
An' prood indeed I ken she'll be,
=To welcome us in Fairlie.
Though granny noo is getting frail,
She aince, like us, was strong an' hale,
Sae we maun cheer her withoot fail,
=When we are in Fairlie.

Sae, bonnie lassie, come awa,
=Ower the hills to Fairlie;
An' there we'll bide till gloamin's fa',
=When we are in Fairlie.
Noo lassie link yer airm in mine,
An' while the sun does briskly shine,
We'll sing in praise o' auld langsyne,
=Ower the hills to Fairlie.


DOON whaur a bonnie burnie rows
=I strayed in ecstacy yestreen;
The birds were resting 'mang the boughs,
=An' calm an' peacefu' was the scene.
'Twas in that sweet romantic spot
=I trysted wi' a lassie fair
To meet me when the sun gaed doon,
=When ne'er anither wad be there.

The lassie cam', an' oh, sic bliss
=We twa had never kent afore,
For aye we took the ither kiss,
=An' aye oor hearts were running o'er.
We felt sae happy there yestreen,
=We never thocht on time ava,
Until we raise to mak' for hame
=An' fand the 'oors had slipped awa'.

But oh, the happy 'oors had sealed
=The voos that shall be ever true,
While heaven's arch shall be our bield,
=And heaven's naked arch be blue.
Her ways are sican winnin' ways,
=Her een are sican bonnie een,
To me there's no in a' the warl'
=The marrow o' my winsome queen.

I saw her safely ower the brig
=To whaur she bides beside the burn,
Whaur in her shortgoon clean an' trig
=She daily ca's her mither's churn.
But very soon I mean to hae
=This lassie a' my ain for life;
For, weel-a-wat, that she will mak'
=A happy sonsy, loving wife.


I LIKE to hear my lassie sing,
=Some hamely Scottish lay;
I like to hear my lassie sing,
=In her sweet winsome way.
I think there's naething hauf sae nice,
=Than when the gloamin' fa's,
Tae gae an' meet my lassie sweet,
=Doon at the Mairton Laws.

It's then I hear my lassie sing,
=When ne'er a one is near;
'Tis then I hear my lassie sing
=In tones fu' sweet an' clear.
The sangs o' bonnie Scotland, in
=Her ain dear mither tongue;
Thae sangs sae free, they are tae me
=The sweetest e'er was sung.

'Tis sweet tae hear my lassie sing
=Aboot some bashfu' swain;
'Tis sweet tae hear my lassie sing
=In a bricht merry strain,
Of hoo he couldna say a word
=To his sweetheart ava';
But left her at her ain stair fit,
=Syne quately gaed awa.

Oh! when I hear my lassie sing
='Bout sic like swains as _he_;
Oh! when I hear my lassie sing,
=I think she hints at _me_;
Sae I maun pluck some courage up,
=An' this nicht plead my cause;
An' then I'll hae her syne for aye,
=The pride o' Mairton Laws.


O' a' the neebours on oor stair
=Auld Peg M'Snuffle bears the gree;
The truth to tell I will declare,
=Her like ye never yet did see.
For sic an ill-set tongue she's got,
=The very weans they canna bide her;
An' oh! she's sic a drunken sot,
=That yin's maist fear't tae live aside her.

'Twas jist yestreen, nae farer gane,
=While Mrs Drouth was drawin' water,
That Peg M'Snuffle tried fu' fain
=Tae open up some wranglin' clatter
Aboot the neebours on the stair,
=An' a' their oots an' ins forbye,
Whilk sune made Drouth get in a flare,
=And vow ilk was a noted lie.

At that Peg roar'd - "Ye red-nosed randy,
=Ye'd daur tae say that I'm a leear;
Awa an' fill yersel' wi' brandy,
=An' gie's nane o' yer nonsense here."
"You, M'Snuffle, you needna speak,
=Although ye tak it on the sly,
It's often seen frae week tae week,
=Whaur ye gang tae when ye are dry."

"Drouth, what's that tae dae wi' you?"
=Was a' M'Snuffle then could roar,
She saw that she was fand oot _noo_,
=Although she ne'er thocht on't before.
It made her gey sune skulk awa
=Tae her ain attic up the stairs,
Whaur let us hope for guid an' a'
=That noo she'll min' her ain affairs.


OH, my sweet wee Totums,
=Rinnin' thro' the flair,
She's a perfect mischief,
=I wunner she's no sair;
For sic awfu' tummels
=Oor wee lassie gets,
But wi't a', I tell ye,
=Wee Totums never frets.

Jist the ither day there,
=Doon in the back-green,
Mammy lost her daurlin',
=She wasna to be seen
Whaur think ye ma' got her,
=Sittin' quate's a moose,
But below the "bine" rack
=In the washing hoose!

Sic an awfu' lassie,
=Wi' sic awfu' tricks,
Mammy aften says that
=She deserves her "licks."
But the cute wee Totums
=Comes to mammy's knee,
An' in her ain wey says-
="Mammy 'oo like me?"

What can mammy dae, then,
=Wi' her bonnie pet,
But at yince forgi'e her,
=Tell her no' to fret?
Syne the sweet wee Totums,
=Tired oot wi' her play,
Lays aside her dolly,
=For anither day.

Mammy haps her up, syne,
=Snug as snug can be-
Prays her lammie aye may
=Frae a' cares be free.
Noo the daurlins' sleepin',
=Awfu' awfu' soun',
Oh, she is the best wean
=In a' the hale toon.


COME lads an' come lassies, come ane an' come a',
The boat it lies ready at aul' Broomielaw;
Come noo get yer tickets an' let's be away,
For we a' mean to spend a richt happy day.
An' when we arrive doon at Campbeltown's shore,
We'll meet wi' oor callants that's there by the score;
An' oh, sic gran' fun as we then a' will hae,
Sae noo lads an' lassies let's hie an' away.

We'll dance and we'll sing maist the hale o' the day.
Ilk lassie an' lad, while the piper will play;
An' them that likes best, they a-fishing can gang,
Syne pass aff the day wi' a jest an' a sang.
Sae let us be aff while the sun noo is rising
And we'll be there lads in time maist surprising;
An' oh, sic gran' fun as we then a' will hae,
Alang wi' oor callants this bright simmer day.

The thocht o't brings back oor young days again,
An' the trips that we then used tae hae by the train;
Sae noo for the sake o' aul' times let us spend,
A richt rollicking day at oor journey's end.
Then come lads an' lassies, come ane an' come a',
The boat it lies ready at aul' Broomielaw;
Noo come get yer tickets an' let's be away,
For we a' mean tae spend a richt happy day.


OH, come wi' me to yonder hill,
=Gin ye lo'e me, lassie.
An' there we'll talk o' luve oor fill,
=Gin ye lo'e me, lassie.
Lang fu' lang, I hae admired ye,
In my inmost hairt desired ye,
Sae speak gin my luve has tired ye,
=Gin ye lo'e me, lassie.

Oh, dinna look sae bashfu' noo,
=Gin ye lo'e me, lassie.
An' dinna speak sae rashfu' noo,
=Gin ye be me, lassie.
Fu' mony lassies I hae seen,
An' mony a braw an' winsome queen,
But 'mang them a' there's nane I ween
=Like you, my _ain_ lassie.

Sae let us hie to yonder hill,
=Gin ye lo'e me, lassie.
An' there we'll sit beside yon rill
=Gin ye lo'e me, lassie.
Ah, by that sunny smile I see,
An' by the luve glint in yer e'e,
It plainly tells it's a' for me,
=My _ain_, my kind lassie.



HUSHIE ba', my bonnie wean,
=Try an' steek yer e'e
Or Jenny wi' the lang pock,
=She will come to ye,
An' tak' ye awa' wi' her,
=Frae yer da' an' ma';
Sae lie there noo fu' cosy,
=In yer beddie ba'.

Really, are ye up again?
=Oh! dear, dearie me;
I'll get nae wark dune the day
=Plainly I can see.
Whist noo, or _she'll_ come to ye,
=_Then_ what will ye dae?
Sae try and sleep noo tottie,
=Ye've slept nane the day.

Eh! that's the clever lassie,
=There she's sleepin' noo;
Sae Jenny wi' the lang pock,
=We dinna want _you_.
It's only bad wee lassies,
=That you tak' awa';
An' my wee lass _noo's_ asleep,
=In her beddie ba'.


WHA is that I see there,
=Keekin' ower at me?
Jist a roguish wee thing
=Only turned three.
See her at the chair noo,
Cryin' keekie-bo!
Oh! she's dada's ain lass,
=Tell me are ye no'?

There she's at her dolly,
=Makin' 't stan' it's lane;
Grannie pits her specs on
=An cries "What a wean!"
Noo she's got the kitten,
=Prood as prood can be,
Hauds it 'ike a bairnie
=On her wee bit knee.

Canna rest a meenite;
=Rins frae place to place;
There she's at the well noo,
=Washin' dolly's face.
Back at the chair again,
=Peepin', oh, dear oh!
Cryin' oot as lood's she can
=Daddy, keekie-bo!


WEE, wee cheery bairnie,
=Rinnin' through the hoose;
Wee, wee cheery bairnie,
=Crawin' aye fu' croose.
Up to ev'ry mischief,
=Nocht she'll let alane-
She's an awfu' lsssie,
=A steery-weary wean.

Wee wee cheery bairnie,
=Kickin' up a din;
Wee, wee cheery bairnie,
=Keekin' oot an' in.
There she's in the barn, noo,
=Flingin' things aboot-
Oh, ye rogie-pogie,
=Wait till ye come oot.

Wee, wee cheery bairnie,
=Never, never still;
Wee, wee cheery bairnie,
=Roams aboot at will.
Sometimes, when we miss her,
=Her we canna' see;
She's off wi' ither weanies,
=Brisk as brisk can be.

Wee, wee cheery bairnie
=Has twa blue, blue een;
Wee, wee cheery bairnie,
=Brawest ever seen.
She's a daurlin' lammie,
=Prood am I to say,
An' she's unco happy
=A' the lee-lang day.



WAS there e'er sic a lassie kent
==As oor wee Liz?
On fun and mischief she's aye bent,
==Is oor wee Liz.
Frae early morn to late at e'en
=She's always in a biz-
I think the equal ne'er was seen
==O' oor wee Liz.

When she is wanted by her ma-
==Oor wee Liz-
She's off wi' ither bairns awa',
==Is oor wee Liz.
And when we get her back again
=Ma speers her whaur she wis?
She says "Awa a walk her lane,"
==Roguish wee Liz.

She's up to a'maist everything,
==Is oor wee Liz
An' jist yestreen she dune something,
==Did oor wee Liz.
She ran awa', an' ye can guess
=We were a' in a fiz;
An' whaur was she? - but in the press,
==Roguish wee Liz.

When she's kept in the days it rains,
==Then oor wee Liz,
She hauds a skule amang the weans,
==Dis oor wee Liz.
Syne at nicht, the daurlin' lammie,
=Fair wearied oot she is;
Then fu' snug beside her mammie
==Rests oor wee Liz.


BONNIE lauchin' lowpin' lassie,
=Wi' the bricht blue een;
Bonnie lauchin' loupin' lassie,
=Sweetest e'er was seen.
Curly hair sair fair an' neat,
=Hiney mou' tae pree;
Tiny hauns an' tiny feet,
=Jist a jewel tae see.

Bonnie lauchin' lowpin' lassie,
=Cheery a' the day;
Bonnie lauchin' lowpin' lassie,
=May she aye be sae.
Wi' her merry glancin' een,
=Fu' o' weanish glee;
She's a perfect little queen,
=A' the warld tae me.


OH, let's be up and doing
=With a glad hurray,
Our honest toil pursuing
=This merry month of May.

The birds are sweetly singing
=All the live long day,
Like happy joy bells ringing
=This merry month of May.

The buds are growing brightly,
=And all around seems gay,
Which makes our cares lie lightly-
=This merry month of May.

It's sweet to see the faces
=Of children now at play,
And see their games and races-
=This merry month of May.


THE young laird and his ain true love,
=Met in a garden fair,
And there a bonnie rose he pu'd
=And placed it in her hair.
The young laird he was gaun awa',
=Next day across the sea,
And, oh, but it maist brak' his heart
=This lassie here to lea'e.

The lassie sabbit lang and sair,
=And, oh, her heart was wae,
At thocht o' him gaun frae her side,
=Mayhap for mony a day.
And frae her anguished heart she cried,
="Oh, dinna gang frae me,
But bide in Bonnie Scotland and
=Fu' happy we shall be."

"But lassie, lassie, I maun gang,"
=The young laird had to say,
"Though I wu'd raither stay, my love,
=Than frae you gang away.
But lassie dear, when I come back,
=My bride you then will be,
Till then I'll aye be true, my love,
=Till I return to thee."



TAM Jenkins wis a wealthy carle,
=He'd routh o' gowd in store,
Though a' he met aye got a snarl,
=E'en the beggar at his door.

As "Miser Tam," he was weel kent
=The kintra side a' roon',
An' even "Bobby o' the Bent"
=Gaed soond'nt thro' the toon.

Yae day Tam was in a hurry
=Gaun on to Ru'glen Fair,
Bobby saw his hurry-burry,
=An' cried oot "Tam, you're there."

But Tam as usual had nae time,
=Tae bandy words wi' Bobby,
He cared na wha sud chant the rhyme,
=For gowd wis a' his hobby.

Bob wis cryin' "See the miser,
=Think he wasna' worth a croon,
See the tyrant, see the guiser,
=See him hirplin' thro' the toon."

But a' this chaff was sae common,
=Tam cared little for their talk,
Though 'twas maistly in the gloamin'
=Tam aye efter took his walk.


SWEET wee Rosey Posey,
=Daddy's bonnie doo,
Sweet wee Rosey Posey,
=Wi' the een sae blue.
Hoo I love to see her
=Cheery lauchin' face,
She's the sweetest wee lass
=In a' the hale place.

Sweet wee Rosey Posey,
=Rinnin' up an' doon,
Sweet wee Rosey Posey,
=Cheeriest in the toon.
No a lassie like her
=Did I ever see,
She's a perfect wee Queen,
=A' the worl' to me.

Sweet wee Rosey Posey,
=Never, never still,
Sweet wee Rosey Posey,
=Rules us a' at will.
She's the maist aul' farrant
=Wean I ever saw,
Her granny often cries,
="Dod she fair bates a'."

Sweet wee Rosey Posey,
=Fu' o' mirth an' glee,
Sweet wee Rosey Posey,
=Frae a' care heart free,
Oh, the daurlin' lammie,
=May she aye be sae,
As thro' this worl' she goes,
=We will ever pray.


ADOON the glen I gaed yestreen,
=A wee afore the gloamin' 'oor;
For I had promised there to meet
=Sic a bonny winsome flo'er.
She has twa cheeks like roses red;
=She has twa een o' bonnie blue;
An' what to me is best o' a',
=A heart that's tender, leal an' true.

We strayed thegether doon the glen,
=An' spak' o' love sae tenderly;
An' kisses sweet I gied to her,
=For she is a' the worl' to me.
We felt sae happy there yestreen,
=We scarce could tear oorselves awa',
But voos were passed atween us baith,
=To aye be true what e'er befa'.


WAS there e'er sic a laddie noo
=As oor wee Bob?
He disna care whit he may do,
=Dis oor wee Bob.
He plays aboot as lang's it's licht,
Frae early morn till late at nicht,
And sometimes he's an' awfu' sicht,
=Is oor wee Bob.

Mischief o' every kind he's in,
=Is oor wee Bob;
An' always kickin' up a din,
=Is oor wee Bob.
He is a steerin', roguish loon,
On him ye'll never see a froon,
He seems the happiest in the toon,
=Dis oor wee Bob.

Yae nicht he heard the toon brass ban',
=Did oor wee Bob;
Sae thro' the toon wi' them he ran,
=Did oor wee Bob.
But music, we a' ken disarms
The very wildest o' alarms,
An' sae that nicht it did ha'e charms
=For oor wee Bob.

He syne cam' back as prood's could be,
=Did oor wee Bob,
An' telt us a' whit he did see,
=Did oor wee Bob.
He is a gey aul'-fashioned chap,
For nocht he disna care a rap;
Some day he'll Bailie he, mayhap,
=Will oor wee Bob.


FULL oft I to my bosom press
=Our little May,
And think her quite a wee princess,
=Our little May;
When I gaze into her face
In her lineaments I trace
Nought but innocence and grace,
=Our little May.

A little cherub, oh, so sweet!
=Is little May,
To see the smile it is a treat,
=Of little May;
With her pretty glancing eyes
She looks up in glad surprise
When her ma or da she spies,
=Dear little May.

When dada he comes home at night,
=Our little May,
She clasps her hands with great delight,
=Our little May.
Pretty teeth she'll soon have some,
For just lately one has come,
Oh! she soon will make things hum,
=Darling little May.


THE ither nicht when comin' hame
=My wark right cheery frae,
I chanced a trig wee kintra lass
=To meet jist by the way;
Her cheeks were like twa roses red
=Beneath her bonnie een,
I'm shair there never met my sicht
=Sae braw a kintra queen.

She passed me by sae modest like,
=In sic a gracefu' style,
My heart did throb responsive to
=Her winsome-forming smile;
I gazed upon the damsel fair
=In beauty's garb serene,
An' sune my heart was wiled awa'
=By this sweet kintra queen.

I met the lass yestreen again
=When makin' for my hame,
Her face beamed forth the same sweet smile,
=My bosom throbbed the same.
I ventured then to ask her if
=She'd meet me there at e'en,
For I had something sweet to tell
=This bonnie kintra queen.

She met me at the trystin' place
=That noo my care beguiles,
And there an' then I felt that I
=Was fairly in love's coils.
An' noo my roving days are ower,
=My heart is a' serene,
She gave consent my ain to be,
=This couthie kintra queen.



I AM in bonnie Scotland,
=The land of chivalry,
An' my laddie he's in Indy,
=Some thoosan' miles frae me;
But altho' my soger laddie
=Is faur away frae here,
I ken his he'rt's in Scotland,
=The land he lo'es sae dear.

An' he forever thinks on me,
=For his he'rt is warm an' true,
An' weel I ken he'll come again,
=This dear laddie that I lo'e.

He speaks o' luve sae tenderly
=In letters sweet tae me,
That's hoo I ken his he'rt's my ain,
=Although he's ower the sea;
But some day sune he'll come again-
=(Oh! hoo I wish 'twas noo)-
For he is a' the worl' tae me,
=This laddie that I lo'e.



I THINK I never saw the like
=O' oor wee Will
He's sic' a steerin' roguish tyke
=Is oor wee Will.
There's naething comes amiss tae him,
=In fac' he's never still;
Intae a' thing he pits a vim
=Dis oor wee Will.

Nae farrer gane than yesterday
=Oor Wee Will,
When oot wi' ither bairns at play,
=Oor wee Will.
A schulemaister he said he'd be,
=Sae a "class" sune did fill;
An' oh! sic fun ye ne'er did see
=Wi' oor wee Will.

The bairns a' in rotation stood
=Roon' oor wee Will;
He counselled them syne tae be good
=Did oor wee Will.
'Twas weel conceived the hale affair,
=I'm shair we laughed oor fill;
He really acted manly there
=Did oor wee Will.

Lots o' mair ploys I fain wad tell
=O' oor wee Will,
For he gaes intae things pell-mell
=Dis oor wee Will;
He'll be a "something" yet some day
=(Maybe a poupit fill);
Nae wunner that we're prood tae say
=He's oor wee Will.


OH, may we a' hae the best o' guid luck
=Throughoot the incomin' year,
An' may we aye hae plenty o' pluck
=Tae stave awa' a' kinds o' fear.
An' may oor bit lads an' their lasses
=Wha "buckle" thegither lang thrive,
An' may there be "wark" for the masses
=In the year nineteen hunner an' five.


THE cheery sun blinks bonnilie,
=An' a' aroon looks fair,
As ower the hills I gang tae meet
=A queen beyond compare.
My lassie's young, my lassie's braw,
=An' aye fu' blithe is she,
In Thornliebank there's no anither
=Is hauf sae sweet to me.

The Rouken Glen's the grandest spot
=Roon a' the kintra side,
Near there my darlin' lassie leeves,
=In it she tak's a pride.
In simmer flo'ers brichtly bloom,
=An' folks frae faur an' near
Get a' a kindly welcome at
=That glad time o' the year.

But in this lassie'a heart there is
=A corner left for me,
An' oh! it's bliss beyond compare
=Her ruby lips to pree.
To me she is withoot a peer,
=Wi' sic a modest mien,
Wi' queenly grace an' gowden hair,
=An' bonnie glancin' een.

For mony lassies I hae seen
=Baith here an' faur awa,
But ne'er a yin to match wi' her,
=She's queen amang them a'.
My Tilly's young, my Tilly's braw,
=An' aye fu' blithe is she,
In Thornliebank there's no anither
=Could be sae dear to me.


DEAR wee rogie pogie
=Rinnin' thro' the flair,
Sweet wee rogie pogie,
=The best o' bairns I'm shair;
Canna rest a meenit,
=It's past a' belief,
Oh, dear me, whit's this noo?
=Always in mischief.

Dear wee rogie pogie,
=Keeps me in a biz,
Sweet wee rogie pogie,
=Whaur think ye she wis?
Up upon the rack there,
=Bringin' doon a plate;
Then she cries, "Oh, mamma,
=Will o'o let me dae't?"

Dear wee rogie pogie,
=There she goes again,
Oh, the rogie pogie
=Keeps me aye in pain.
Noo she hears her daddy
=Comin' up the stair,
Noo she rins tae meet him,
=It bates a', I declare!

Dear wee rogie pogie,
=My ain bonnie doo,
Sweet wee rogie pogie,
=There she's sleepin' noo;
Fair tired oot wi' playin'
=A' the lee-lang day,
"Queenie" is a treasure,
=Prood am I to say.


CAULD blaws the blast outside, Flora,
=An' fearfu' is the din,
Oh, gif we had yer plaid, Flora,
='Twould wrap us frae the win'.
The nicht's forebodin' harm, Flora,
=Ye see it in the sky,
Oh, let me in yer farm, Flora,
=Until the warst o't's by.

The storm's growing fiercer, Flora,
=An' oh, the win' blaws snell,
This nicht 'twill prove a piercer, Flora.
=A sad tale it'll tell.
But noo since I'm near ye, Flora,
=A' ither thochts dae flee,
An' I maun try to cheer ye, Flora,
=An' fill yer heart wi' glee.

Ye maunna fear the nicht, Flora,
=Nor ocht o' what gangs wrang,
But chase awa' fell fricht, Flora,
=Wi' a'e blithe, hamely sang.
Ye ken it's winter time, Flora,
=Whan storms are sae common,
Sae let us hear ye rhyme, Flora,
=Syne I'll gang a'roamin'.

Aye looder still it roars, Flora,
=Nae wunner that ye sigh,
Baith oot an' in it soars, Flora,
=Gin I wis hame owerby.
Oh, may this nicht mak' us, Flora,
=Mair nearer tae each ither,
Till Him abune should tak' us, Flora,
=Till then may we not sever.


IN a wee theekit cot doon a glen
Lives the sweetest young lassie I ken;
O, but she's braw an' she's bonnie,
An' fresher an' fairer than ony
=Young lassie that ever I saw.
Her een are a sweet bonnie blue,
Her hair's o' a bricht gowden hue,
And her ways are sae gentle an' winning
That I'm thinking o' fairly beginning
=Tae woo this young lassie sae braw.

Sae this very e'enin' I'll gang,
Be the road ne'er sae dreary an' lang-
For there is nae hope left for me
Till "captive" leads "captivity"-
=The lassie that lives in the glen.
Her fond heart is baith leal an' true,
She's a fair lovingkindness, I voo,
Sae smilin', sae sweet an' sae cheery,
I ken that we never should weary
=As lang as we're able to fen'.


'Tis the merry month of June,
The birds are in full tune,
How sweet to hear them singing on the trees,
Rich perfume fills the air
Around us everywhere,
And happy are the little busy bees.

As they flutter to and fro
Making honey as they go,
How grand it is to see them bravely toil,
While birds, they sweetly sing,
Making all the forest ring
Away from scenes of life's din and turmoil.

How sweet to roam at will
By flowery mead or rill,
And watch the little lambkins as they play,
As they frisk about so free
Upon the grassy lea,
It's bliss to them upon a summer's day.

How sweet when toil is o'er,
To ramble 'cross the moor,
Or wander thro' some wild romantic glen;
And as you gaze around
In profusion's to be found
The bounteous works of Nature near you then.

While gazing on the sight
Our heart's filled with delight,
While as we breathe the pure refreshing air
We see on every hand
God's noble works so grand,
Which in the summer look so fresh and fair.

As thro' such scenes we roam
We never think of home,
'Mid such grandeur we could flnger all day long,
For 'neath the sun's bright ray
The time soon glides away,
While listening to the warbler's trilling song.


THE sun has sunk behind the hill,
=An' a's quate in the toun,
An' ilka wee bit birdie in
=It's nest is sleepin' soun'.
As I gae oot tae meet my love,
=Wha ower me's cast a spell,
A lassie wi' twa een sae blue,
=My darling Isabel.

A Royal King upon his throne
=Nae happier could be
Than I when wi' my love, my a',
=A queen she is tae me.
For true her guileless heart and grace
=Tae me nane can excel,
The lassie wi' the gowden hair,
=My darling Isabel.


DEAR mother, press your hand in mine
=And sit beside me now,
I soon must leave you, yes, I fear,
=Oh, feel my burning brow.
I know I'm going to that land
=Where all is bright and fair,
And mother, do keep up your heart,
=Some day you'll meet me there.

Bring o'er the Bible, mother dear,
=The Book we prize the best,
Point out the place where Jesus says,
="Come, and I'll give you rest."
Yes, there it is, oh, such sweet words,
=And meant for you or me.
I'm ready, mother, now to die,
=My worst pain's leaving thee.

They beckon on me, mother dear,
=I see the golden shore,
I'll soon be with my Saviour now
=For ever, evermore.
Now, hark, He comes; the angels sing,
=They're waiting there for me,
I'm going to that happy land,
=The glorious and free.



LASSIE wi' the een sae blue,
=Bonnie Bessie, charming Bessie!
Lassie wi' the heart sae true,
=Bonnie Bessie, charming Bessie!
Like a jewel rich and rare,
She's a queen beyond compare,
An' the fairest o' the fair,
=Bonnie Bessie, charming Bessie!

Lassie wi' the modest mien,
=Bonnie Bessie, charming Bessie!
Sweet it is tae meet at e'en,
=Bonnie Bessie, charming Bessie!
Rosy cheeks fresh as the dawn,
Wi' a neck jist like the swan,
Brawest lassie in the lan',
=Bonnie Bessie, charming Bessie!

Few there be can match wi' her,
=Bonnie Bessie, charming Bessie!
Tae me there's nae lassie like her,
=Bonnie Bessie, charming Bessie!
Wi' the merry, roguish e'e,
Wi' a smile sae sweet to see,
She is a' the worl' tae me,
=Bonnie Bessie, charming Bessie!


OH ye prattlin' wee bit thing,
=Roon' yer mither's knee!
Hoo ye lauch when she dis sing,
=Ye're aye sae fu' o' glee.
Happiness looks in yer face,
=May ye aye be sae,
As thro' this weary worl' ye pass
=Frae this tae yer last day.

See he toddles ben the room
=On his wee bit legs,
Back he comes wi' hauns no toom,
=But braw an' fu', my fegs.
Then he flings a' on the flair,
=Sic mischief ne'er wis seen,
An' lauch's ower't a', I declare,
=For nocht he cares a preen.

Syne when he's tired he sits doon
=On his wee bit chair;
Neist meenit aiblins on his croon,
=An' greetin' I declare.
But at last the lammie sweet
=Sleeps soun' on knee o' ma';
Syne we hap him up fu' neat
=In his beddie ba'.


THE sun is sinking in the west,
The birds are cosy in their nest,
I'm gaun tae see her I lo'e best,
=My ain bonnie Nellie, O!

Tae whaur we tryst I rin wi' glee,
An' sune my sweet love I can see
There, patiently waiting for me,
=My ain bonnie Nellie, O!

An' oh, hoo happy I dae feel
When doon beside her form I kneel,
I lo'e her frae my he'rt fu' weel,
=My ain bonnie Nellie, O!

Her ways they are sae frank an' free,
Her smilin' face sae fu' o' glee,
An' lovingly she speaks tae me,
=My ain bonnie Nellie, O!

Sometimes we twa can hardly pairt,
It's like tae break ilk ither's he'rt,
It is the pangs o' cupid's dart,
=My ain bonnie Nellie, O!

I mean tae mak' her sune my bride,
An' hae her then aye by my side;
Then true love will wi' us abide,
=When I get bonnie Nellie, O!


'TWAS in a little attic room,
=Outside 'twas fierce and wild,
A lonely mother sat one night
=Beside her only child,
And as the rain it rattled down,
=While thunder loud was heard,
She clasped her babe unto her breast,
=But uttered not a word.

On this night she had waited long
=Her husband's safe return,
But as the hours sped slowly on
=Her heart with pain did burn;
Their little fire had long gone out,
=And all to them was still,
While as she saw bright lightning flash,
=Her eyes with tears did fill.

"Will he have lost his work again?"
=She inwardly did cry,
And, thinking it was thus, poor soul,
=She heaved a heavy sigh;
But, hark! she hears his well-known step
=Once more upon the stair,
And soon she feels his loving arms
=Around her then and there.

His absence it is soon explained,
=For gladness it hath brought;
He cries, "Dear wife, keep up your heart,
=For I have got, unsought,
The post of foreman at the works;
=So let's thank Him above,
For God is good in His own time
=To those that doth him love."


THERE is a bright and pleasant dale
=From which I once did roam,
A sunny spot in Scotia dear,
=That was my happy home.

I've roamed afar in foreign lands,
=I've wandered o'er the sea,
And now my dear, my native home,
=I'm once more back to thee.

I'll sit beneath the oak's green shades
=And think of days gone by,
And mark the changes time hath wrought
=And heave one fretful sigh.

I'll gaze upon life's busy tide,
=And ever grateful be,
That after years of hopes and fears,
=Dear land I'm back to thee.


FAIR Edina, oh, classic name,
=Scott's own romantic town,
A city with a history
=That one is proud to own;
The scenery is magnificent
=That on every side you meet,
And law and learning there holds sway
=In Scotia's darling seat.

Then here's to dear "Auld Reekie,"
='Tis Scotia's joy and pride,
And here's to bonnie Firth of Forth,
=Where waters softly glide;
May its sons and daughters prosper
=Wherever they may be,
And success follow fair Dunedin,
=The city by the sea.

Auld Edinburgh has given birth
=To many worthy sons,
Who've left their names in history
=And aye stuck to their guns;
And down in stately Holyrood
=Lived Scotland's hapless Queen,
Within its walls hath taken place
=Many a stirring scene.

In famous Princes Street you view
=Bright spots on every hand,
And then the noble castle, too,
=So majestic and grand.
Sir Walter Scott's fine monument,
=And everything complete,
Is all so pleasing to the eye
=In Scotia's darling seat.



THERE is a darling old county in Ireland,
=Just a moment's attention may claim,
The scenery around is mystic and grand,
=Yes, and Antrim, dear Antrim, its name.
Its sons and its daughters are all of the best,
=None can beat them for true jollity.
Then here's to dear Antrim, County Antrim,
=It is one of the gems of the sea.

In dear County Antrim such a welcome awaits,
=Yes, a welcome that is brimming o'er
To the stranger that enters within its gates,
=For none are ever turned from the door.
If a trip you should take, you will get a hand-shake,
=And at once made feel happy and free.
Then here's to dear Antrim, sweet County Antrim,
=It is one of the gems of the sea.

In shipbuilding, too, it's long held a high place;
=Few places can beat dear old Belfast;
It's built ocean liners that can go the pace,
=Yes, and boats too that are made to last.
For linens it's famed the wide world o'er,
=They are shipped to every countree.
Then here's to dear Antrim, sweet county Antrim,
=It is one of the gems of the sea.


DOON by yon auld toll gate, my love,
=Noo mony years ago,
'Twas there whaur we first met, my love,
=Noo mony years ago.
Ah! but great changes there ha'e been
=Since then fu' weel we know;
Oh! for the happy days we've seen
=Noo mony years ago.

Hoo weel we min' thae days, my love,
=Noo mony years ago,
When oft we sang oor lays, my love,
=Noo many years ago.
An' oft we strayed doon by yon mill
=Whaur daisies wild did grow,
Syne cam' awa wi' daidlies fill,
=Noo mony years ago.

Ah! sweet they were thae days, my love,
=Noo mony years ago,
When aft we'd speel the braes, my love,
=Noo mony years ago.
An' hoo we pu'd the wee wild flo'ers
=That in the woods did grow,
An' hoo we used tae bide for 'oors
=Noo mony years ago.

But noo oor mates are gane, my love,
=Fu' mony years ago,
An' we are left alane, my love,
=Syne mony years ago.
Sae let us sing o' thae auld days,
=Though feeble noo we go,
An' let us string again oor lays
=We sang lang years ago.


OH, whit dis Haldane mean ava',
That he wad tak' oor "Greys" awa'?
But we will quickly let him see
That wi' him there we don't agree.

Oor ain Scots Greys, we lo'e them weel,
Ilk yin o' them a sturdy chiel;
In days gane by they won great fame,
An' prood they're o' their Scottish name.

To Scottish hearts they'll aye be dear,
We maunna let them gang, nae fear;
But up in arms we will arise
Till Haldane hearkens to oor cries.

Why wad we let them leave Scotland
Wi' their unsullied name sae grand?
Na, na, it winna dae ava'-
They maunna tak' oor "Greys" awa'.


WHEN our daily task is over
=There is no sweeter sight
Than to see at our homestead door
=A baby's face so bright.
She proudly claps her little hands
=At sight of her dada,
And when locked in his arms she cries
=In childish tones, "Hurrah!"

No wonder that she cries hurrah,
=The darling little thing.
She knows she has her object gained,
=Then gaily tries to sing.
Sweet cherubs, how they move our hearts,
=As nothing else can do.
Oh, may our lives be such as their's-
=So innocent and true.


OH ye loesome, winsome thing,
=Whit mischief is this?
Come tell, then see whit ma' will bring,
=Syne ye'Il get a kiss.
Noo dinna cry mammy's pet,
=Tell me whit's the biz;
That's a lass.  I'll no forget
=My ain bonnie Liz.

I've lost my penny-bee, mammy,
=It trintled tae a hole;
Then he lauched, did oor Sammy,
=That I couldna thole.
Never mind, my bonnie lass,
=I'll gie you anither;
Sae dicht yet een, let this pass,
=And lauch, noo, at yer brither.


AS I wis walkin' oot yestreen
==In yon bonnie dell,
I met a buxom, winsome queen
==In yon bonnie dell;
Her twa cheeks they were sae rosy,
=In her haun a braw blue bell,
As she trod the grass sae mossy
==In yon bonnie dell.

I stood enchanted for a while
==In yon bonnie dell;
At length I saw the lassie smile
==In yon bonnie dell.
Hoolang we sat I dinna ken,
=But this I min' fu' well-
We settled tae be _lovers then_
==In yon bonnie dell.


IN oor hoose there's a canty queen-
=Oor wee Jean;
Sic a lassie never was seen,
=As oor wee Jean.
She's aye sae fou' o' fun an' glee,
=For nocht she cares a preen,
For sic an awfu' lassie, she
=Is oor wee Jean.

Sic an awfu' thro-ither wean
=Is oor wee Jean.
It's lang since she could gang her lane,
=Oor wee Jean;
She's aye talkin' aboot some laud
=Wha they ca' Geordie Steen,
She voos she'll marry him, the jaud
=Oor wee Jean.

The ither day when snod an' clean,
=Oor wee Jean
She sure fell in wi' Geordie Steen,
=Did oor wee Jean.
An' tae hae seen them walkin' oot,
=Sic a farce ne'er was seen;
An' hoo they proodly stalked aboot-
=Him an' wee Jean.

Altho' she is near aucht years auld,
=Oor wee Jean;
She's never too backward nor too bauld,
=Oor wee Jean;
Maist everything she tries tae dae
=Is clever, an' I ween
She'll mak' a haundy wife some day,
=Will oor wee Jean.


COME, mother, sit beside me here,
=While I breathe this last farewell,
I feel that now I'm going fast
=To that land where angels dwell,
Where I'll be with my Saviour,
=Singing hymns of love and joy,
Where I hope to meet you, mother,
=Meet you there the same, your boy.

But, mother dear, don't weep for me,
=Though it should nigh break your heart,
We die in hopes to meet again
=In that land where nought shall part,
Where there never is sad weeping,
=But for ever peace and love,
Where there always is rejoicing,
=In that happy land above.

Hark, I hear my Saviour calling,
=Calling me unto His fold,
So now farewell, dearest mother,
=Soon you will have dropt your hold.
I know I am going yonder,
=Yes, I hear their songs so bright,
Through the valley I am passing,
=Passing to a world of light.


MY Nellie's young an' bright an' fair
=My Nellie's blythe an' bonnie,
An' oh, she has a cherry mou'
=That's ne'er been pree'd by ony.
Her cheery face an' winsome smile
=An' her een o' bonnie blue
Mak's her the gem o' Leven Vale
=This lassie I dearly loe.

The flo'er that draps its heid at e'en
=An' lies a' nicht in sweet repose,
Nae purer is than Nellie's heart
=Where love an' virtue ever flows.
Her modest ways an' queenly grace
=Wad mak' her fit for prince or king,
But nae sic thochts bide in the heart
=O' this Sweet an' winsome queen.

Fu' aften ower ayont Carman
=I hae met blythe Nellie there,
For oh, tae see her smllin' face
=It is bliss beyond compare.
An' there we twa hae aften sat
=Until the sun wis lost tae view,
While gloamin' gently stealin' roun'
=Her cov'rin' mantle ower us threw.

But love ye ken is ever sweet
=When wi' the lass ye be fu' dear,
An' there's naething hauf sae gran'
=As tae ken she's aye sincere.
I wadna crave for wealth or fame,
=As lang's I've Nellie by my side,
But sune the happy time will come
=When she will be my bonnie bride.


FAUR, faur frae hame I've aften been
=An' kind welcomes I hae got,
But ne'er a place yet hae I seen
=Like my dear auld rustic cot.

Whit happy memories cling roon
=The dear ivy-covered wa's,
The sangs my mither used tae croon,
=Besides a' her hamely laws.

Fu' weel I min' o' thae dear days
=When aft I pu'd the braw blue bells,
An' heard wi' joy the simple lays
=Of little birds in woodland dells.

An' aften wi' a wheen o' weans
=We'd rin aboot at sic a rate,
We never cared tho' we'd sair banes
=An' seldom turned in till late.

Fu' aft we stray'd 'mang the wildwood
=An' pu'd blackberries sae rare,
Oh, the happy scenes o' childhood
=I sometimes wish them back ance mair.



ALL hail to thee Victoria
=Our well beloved Queen,
Full sixty years thou hast now reigned
=And a good monarch been.
Peace and goodwill towards all men
=Was always wished by thee,
So now we'll in a joyful strain
=Welcome thy Jubilee.

Then welcome our Queen's Jubilee,
=Our glorious Queen's Jubilee,
Let's raise our voices high,
And let this be our cry
=All hail to our Queen's Jubilee.

As Empress of all India
=Our Queen is truly great,
Her worth's been proved in many ways
=And in affairs of State.
A woman good and true she's been,
=So now with three times three,
Let's raise a welcome, joyful shout
=On this her Jubilee. - CHORUS.

As loving wife, mother, and Queen,
=She's done her duty well,
And she has had her share of grief
=As all of us can tell.
She's bravely borne herself through all,
=And now her step's more free,
So let us all with one acclaim
=Welcome her Jubilee. - CHORUS.

Away in far Australia
=Revered too, is her name,
Her sympathetic heart has gained
=For her undying fame.
We trust that she may long be spared
=To rule our land and sea.
And now we wish her all success
=On this her Jubilee. - CHORUS.


WHO has to toil 'midst wind and rain,
Who has to toil with might an' main
And little for it he does gain,
==The Scavenger.

Who has to go 'midst snow and sleet
To sweep and clean the dirty street,
Perhaps with cold or blistered feet,
==The Scavenger.

Who is the man that empties drains,
Cleans the sewers and the mains,
Who in his work takes such great pains,
==The Scavenger.

Who is the man that stands the test
Of stormy weather on his breast,
And still he has to do his best,
==The Scavenger.


WHEN I wis young, I weel hae min'
My mither's words, that in langsyne
Ye were coonted a petty wean
Should ye ne'er try tae haud yer ain.

When at the schule thro' tender years,
Sometimes possessed o' doots an' fears,
I aften voo'd when by my lane
I'd dae my best tae haud my ain.

Thae early years too soon did fly
Tae hard work I had then tae hie,
Success I tried hard tae attain,
An' did my best tae haud my ain.

My mither's words I ne'er forgot
Though learnt in a rustic cot,
The meanin' it is unco plain,
Aye manfully try tae haud yer ain.


'TIS sweet to rove in summer time
=Among yon leafy bowers
That circle round the spreading trees,
='Mid perfume from the flowers.
Than in the quietness of the scene,
=What pleasure to the eye
To gaze around 'mid scenes so grand,
=How God's works magnify.

How sweet it is to sit alone
=Beneath some spreading tree,
And listen to the warbling birds
=Pour forth their melody.
You feel enraptured while you sit
=List'ning to their song;
You feel, too then, as if you would
=Stay near them all day long.


BAIRNS I'm gaun tae tell a story
'Boot a man ca'd auld M'Grory,
He is weel kent throughout the toon
When wi' his barrow he gangs roon.

The place that he is kent aroon
Is the faur famed auld Glesca toon,
For sellin' whitenin', candy tae
His equal you'll no find this day.

The way that he cries oot alood
It brings aboot him sic a crood,
Gather up, gather up that's his cry,
Syne croods o' weans aroun' him hie.

"Street character" he is nae doot
But ah, he's honest oot an' oot,
A hero he is 'mang the weans
When he cries oot for rags an' banes.


OFT I've roamed by the banks o' Clyde,
Whaur the waters sae saftly glide,
'Mang it's bowers an' leafy trees,
I there hae met my ain Louise.

Fu' aften hae I rested there
When free frae a' my toil an' care,
Alang wi' her sae neat an' trig,
Wha stays ayont the Ru'glen Brig.

In simmer time there's nocht mair sweet
Than on these banks tae hae a seat
Alang wi' yin ye be fu' dear,
Whispering love intae her ear.

I'd praise its beauty faur an' wide
The bonnie, bonnie banks o' Clyde,
Where oft I've strolled wi' my Lousie
'Mang its bowers an' leafy trees.


OH, whit's this worl' a comin' tae?
=I wad like weel tae ken;
The women noo are tryin' tae
=Get upsides wi' the men;
They poke their nose in everything,
=Sometimes whaur they should not,
Sae noo I'll speak o' whit micht be
=When woman gets the vote.

There's lady travellers noo, we ken,
=An' lady doctors tae-
I declare it's something awfu';
=Oh, whit a cheek they hae!
Noo, should the "Commons" legislate,
=That wad be their _bon-mot_-
I pity then a' us puir men
=When woman gets the vote.

All before them they want tae drive,
=Thae awfu' women-folk;
It appears tae that they mean it-
=They carenae wha they shock!
As lang as they get whit they want
=They'll never care one jot,
They'll jist dae wi' us as they like
=When woman gets the vote.

A "female suffragist," dear me!
=The very name beat's a'!
I wunnen whit they'll ca' themsels
=If this thing becomes law?
They'll be that prood that us, puir men,
=We'll no be worth a thought;
They'll fancy they can rule the roast
=When woman gets the vote.

They'll gang oot tae their clubs at nicht
=An' come hame when they like,
An' when they want tae cool themsels
=They'll rin oot on their bike;
The very bairns will suffer tae
=(That's if they've ony got)-
Yes, they will suffer maist o' a'
=When woman gets the vote.

They've meetin's here and meetin's there,
=Ay, baith early an' late!
Whit they will dae when they've the po'er
=Is awfu' tae contemplate;
I hope it never comes tae pass
=(I trust that it does not),
But should it come, look out for squalls
=When woman gets the vote.


OOR Glesca Fair comes yince a year,
=It's welcomed aye baith far an' near,
Workers noo get a well-earned rest
=Tae roam at will whaur they like best.

An for the folks baith big an' sma'
=There's lots o' fun no faur awa.
If ye want sport tae yer heart's fill,
=Tak' a trip tae Vinegar Hill.

Tae see the shows they are sae braw,
=It's sic a sight tae young folks a',
They fairly revel in the fun,
=It's bliss tae them the showman's grun'.

Besides tae spend a happy "Fair"
=A pleasure sail is something rare.
Then for a rest faur frae the toon,
=I'd recommend dear auld Dunoon.


ONE lovely summer's afternoon,
'Twas in the merry month of June,
While sitting at the window-pane
A thinking of my dearest Jane.

Sweet dreams of hope came over me
From a far off isle of the sea,
Things which I shall never forget
Until the sun of life shall set.

I thought of one who fair did seem
In that delightful, pleasant dream,
And she was still dearer to me
In that far off isle of the sea.

I thought I saw her by my side
My darling and my only pride,
And happy then it made me seem,
But found alas, 'twas all a dream.


SCOTLAND my native land so fair
=Thy hills an' mountains I adore,
Thy scenery is grand an' rare,
=An' brings to min' the days of yore.

To gaze upon the sparkling fountains
=An' see the waters flowing there
Then upon the lofty mountains,
=Few kingdoms can with thee compare.

Where is the country you can name,
=Can boast of such warriors brave,
Who fought to gain their country fame
=From the cradle to the grave.

Such men as Wallace brave an' true,
=An' Bruce the hero of Bannockburn,
Aye, an' the brave Black Douglas too,
=For these auld Scotland oft did mourn.

Oh, Scotland fair.  Land of the free,
=Where we've got the Thistle so dear,
Likewise the Lily, the Hawthorn Tree,
=An' the sparkling water so clear.

An' tho' I yet may be from home,
=However far that it may be,
Thro' all the places that I roam,
=Scotland will still be dear to me.


WAS there e'er sic a callan' kent
=As wee lauchin' Willie Bain,
On fun an' daffin' he's aye bent,
=He's sic a steerin' wean.

Altho' he is but sax years auld,
=He'll trudge 'mang snaw or rain,
An' bring hame things whate'er he's tauld
=Will this wonnerfu' wean.

Forbye a' that I'll let ye ken
=He tries a school o' his ain,
An' brings the weans frae but and ben
=Does this wonnerfu' wean.

When daddy he comes hame frae wark,
=Will gets up tae his chain,
Syne rowes his watch up tae the mark,
=Does this auld farrant wean.

But Will may grow tae be a man
=An' hae a hoose o' his ain;
Let's hope he'll be as clever then
=As he's noo an awfu' wean.


I LOE a bonnie winsome queen,
=She leeves doon in yon dell,
A dairymaid wi' modest mien,
=Is my ain Jeanie Bell.

Oh, that artless, witchin' lass
=That leeves in yonder dell,
Tae me there's nane can her surpass,
=My daurlin' Jeanie Bell.

Tae see my bonnie winsome queen
=Herding her kye fu' well,
Wi' shortgoon aye sae neat an' clean,
=Nane beats my Jeanie Bell.

Fu' weel I loe this country queen,
=Her charms nane can excel,
The fairest lass ere I have seen,
=Is daurlin' Jeanie Bell.


AT nights when from my work I come,
=When free from toil an' care,
I think on the hardships of some,
=While resting in my chair.

I oftimes think about the poor,
=And how they're knocked about,
And while some beg from door to door
=The rich will shut them out.

Then see so many worthless men,
=Who spend their money in vain
While their poor wives depend on them
=Some little food to gain.

There's many a poor orphan true
=By others led astray,
While they have no one to look to,
=They stray from wisdom's way.


AE day I thocht I'd gang a-roamin'
Sae hied awa tae auld Loch Lomond,
It being the week o' Glesca Fair
I went tae hae some fun doon there.

Alang wi' me there were some ithers
Lads an' lassies, sisters an' brithers,
Tae spend a week we a' went doon
Frae the famous auld Glesca toon.

That nicht at Tarbet, in Loch Lomond,
We searched aboot till near gloamin',
For lodgings could scarcely be got,
But we managed a fisherman's cot.

The next day baith lassies an' men
Went aft tae view the famous Ben,
Tae us the sicht wis something rare,
On that week o' oor Glesca "Fair."


COME a' ye lads an' lassies free
Wi' faces aye sae fu' o' glee,
And I'll sing ye a wee bit sang
Aboot a lass I've coorted lang.

The way that we fell thegither
It wis a' thro' her auld mither,
I wis yae nicht invited tae tea,
An' tae gang up I did agree.

Jeanie ye ken that's her sweet name
A braw bit lass is Jeanie Frame,
She's aye sae free an' fu' o' glee,
Aye, Jeanie's jist the lass for me.

Tae marry her I dae inten'
I've got her consent ye mun ken,
An' sune I'll hae her mine for life,
When she becomes my daurlin' wife.


HE gied hs last pairtin' farewell
=Before he gaed awa,
Hewis a muckle thocht o' chiel,
=Loed by the lassies a'.

Before he left his Scottish hame
=Tae be a soger braw,
We wished him luck, fortune, an' fame,
=An' guid health thro' it a'.

Nae laddie could been better liked
=By folks baith great an' sma',
The lassies tae are clean gaen gyte,
=Since Jockie gaed awa.

But alblins he'll come back again
=Tae see ilk lass sae braw,
Still there's yae thing that seems gey plain
=Jock canna wed them a'.


OH, weel I min' the days o' langsyne,
=When coortin' a kimmer fu' braw,
She wis frank an' free, sae fu' o' glee,
=The brawest lass in yonder Shaw.

The first day we met I'll ne'er forget
=She wis drest sae neat an' bonnie,
She cam' singing, merrily singing,
="Oh, fu' blythesome is my Johnnie."

The lassie's face wis fu' o' grace,
=As she sung her canty bit sang,
An' ever sin' syne she has been mine,
=An' aye as happy's the day is lang.

The days o' langsyne were the times
=For happy lads an' lassies free,
But noo they're altered sairly altered,
=Faur frae whit they used tae be.


AE bonnie nicht in sweet simmer
=I wis walkin' wi' a kimmer,
She wis fu' lichtsome, gay, an' free,
=Jist the lass for a lad like me.

The road that we baith went thither
=Wis up the braes o' aul' Gleniffer,
We thocht on scenes that were sae dear
=Tae Tannahill when he wis here.

While gaun alang these bonnie braes
=O' whilk the bard aft sang in praise,
We felt gey prood o' Scotland dear,
=Her ruined towers an' castles fair.

As we returned hame that nicht,
=The munelicht shone sae clear an' bricht
An' she wis still sae fu' o' glee,
=Jist the lass for a lad like me.



OH! hushie ba', sleep soun',
=My ain lammie doo;
Rest there nice and cosy,
=An' dinna goo-goo.
Mammy has wark tae dae
=Will mak' hoosie braw,
Sae sleep soun', my darlin',
=In yer beddie ba'.

Oh! ye rogie-pogie,
=Whit's wrang wi' ye noo?
Can ye no lie at peace?
=This wark'll never do.
Still she never heeds me,
=Oh! she fair bates a';
Noo she's kickin' up her heels
=In her beddie ba'.

At last the lammie's sleepin',
=Fair tired oot she is;
We wad miss her sairly,
=Oor ain bonnie Liz.
Oh! there she goes again,
=Canna steek her e'e,
She's a waukrife bairnie,
=There'r nae rest for me.


LET me sing of dear old Glasgow,
=Loud let its praises ring;
A worthy theme it is, my lads,
=Of such a town to sing.
Its fame we know is world-wide
=Wherever one may be;
A Glasgow native may be found,
=And none more brave than he.

So we sing "Let Glasgow Flourish,"
=For laurels it hath won;
And may it flourish greater still
=Through many a worthy son.
It's a truly model city,
=We speak of it with pride;
So here's a hearty hip-hurrah
=For Glasgow and the Clyde.

The ships they build upon the Clyde
=Their equal can't be found;
The turbine, too, has shown the way
=To go the world round.
In commerce and in everything
=We take a foremost place;
Its sons and daughters long have proved
=They are a hardy race.



UP Greenknowe Braes I gaed yestreen
=When birdies a' had gane tae rest,
An' calm an' tranquil wis the scene,
=The time that lovers a' loe best.
While gazing on the sicht sae fair
=I spied a lassie, young an' braw,
Wha's winsome music filled the air,
=As doon she cam' thro' yonder shaw.

The lassie's cheeks were red's a rose,
=As by she cam' an' smiled sae sweet,
Tae sit wi' me I did propose,
=For she had won my heart complete.
I felt sae awfu' happy then,
=For, oh, her like I ne'er did see;
Then as we twa gaed thro' Cooglen
=I felt as prood as prood's could be.

I saw the lassie safely hame,
=An' ere I made tae gang awa,
I spiered gin she wad change her name
=An' become leddy o' my ha'.
She blushing gied a sweet assent,
=Then kisses on her I did rain;
An' noo I feel at rest, content,
=For sune she will be a' my ain.


A SANG I'd like to sing aboot
=Oor auld mare Bess;
A freen' to us withoot a doot
=Is auld mare Bess.
When gaun alang a country road,
Nae maitter whit may be her load,
She jogs alang ower hill an' bog-
=Oor auld mare Bess.

Yae simmer day I'll ne'er forget
=Wi' auld mare Bess;
We got into an awfu' set
=Wi' auld mair Bess.
I held the reins and cried "Gee-up,"
An' scarcely had I raised the whup
When, lo! the reins had left my grup,
=An' auld mare Bess.

Whit happened then, think ye at a',
=Wi' auld mare Bess?
Through some bit fricht she ran awa',
=Oor auld mare Bess.
It put us in an awfu' state,
The beastie ran at sic a rate;
At last she knocked against a gate,
=Did auld mare Bess.

It wis a great relief to us
=An' auld mare Bess;
For we had kicked up sic a fuss
=Through auld mare Bess.
But, keeping that bit scene awa',
She is the best ye ever saw,
An' is a credit to us a'-
=Oor auld mare Bess.



DEAR Johnnie, man, my rhymin' frien',
Yer hamely screed I read yestreen,
An' unco prood sin syne I've been
=Tae think that you,
Wha only twice I e'er hae seen
=Should be sae true.

As tae indite in language free
A kind epistle here tae me,
A' the way frae "Bonnie Dundee"
=An' famous Tay,
'Twill mak' me ever think o' ye
=Till my last day.

For lang I hae admired yer muse
Whilk aft has graced the "Weekly News,"
Yer subject weel ye ken tae use,
=Withoot a doot.
Ye please me weel in a' yer views,
=It's you can do 't.

Yer hamely style I like fu' weel,
It's you can knock things aff the reel,
In fact ye are a clever chiel
=I maun confess,
Whate'er ye try tae write, ye feel
=It nae distress.

May guid luck aye attend yer hame,
An' her yer ain bit couthie dame,
May she be spared tae share yer fame,
=An' wee Johnnie,
Yer winsome wean wha bears yer name,
=My dear cronie.

But noo I'll hae tae drap the pen,
For by the nock it's lang past ten,
An' that's by elder's 'oors ye ken,
=Sae for the noo,
My best regairds tae a' I sen'-
=Adieu! adieu!