Rough Scan


WHEN chapman billies leave the street,
And drouthy neebors neebors meet;
As market-days are wearin' late,
An' folk begin to tak' the gate;
While we sit bousing at the nappy,
An' gettin' fou and unco happy,
We think na on the lang Scots miles,
The mosses, waters, slaps, and styles,
That lie between us and our hame,
Whare sits our sulky, sullen dame,
Gathering her brows like gathering storm,
Nursing her wrath to keep it warm.

=This truth fand honest Tam o' Shanter,
As he frae Ayr ae night did canter
(Auld Ayr, wham ne'er a town surpasses,
For honest men an' bonny lasses).

=O Tam! hadst thou but been sae wise,
As ta'en thy ain wife Kate's advice!
She tauld thee weel thou wast a skellum,
A bletherin', blusterin', drunken blellum;
That frae November till October,
Ae market—day thou was na sober;
That ilka melder wi' the miller
Thou sat as lang as thou had siller;
That ev'ry naig was ca'd a shoe on,
The smith and thee gat roarin' fou on
That at the Lord's house, ev'n on Sunday.
Thou drank wi' Kirkton Jean till Monday,
She prophesy'd that, late or soon,
Thou wad be found, deep drown'd in Doon!
Or catch'd wi' warlocks in the mirk,
By Alloway's auld haunted kirk.
Ah, gentle dames! it gars me greet
To think how mony counsels sweet,
How mony Lengthen'd, sage advices,
The husband frae the wife despises!

=But to our tale :— Ae market-night.
Tam had got planted unco right;
Fast by an ingle, bleezing finely,
Wi' reaming swats, that drank divinely;
An' at his elbow, Souter Johnie,
His ancient, trusty, drouthy crony;
Tam lo'ed him like a vera brither;
They had been fou for weeks thegither.
The night drave on wi' sangs an' clatter;
An' aye the ale was growing better:
The landlady and Tam grew gracious,
Wi' favours secret, sweet, and precious;
The Souter tauld his queerest stories;
The landlord's laugh was ready chorus:
The storm without might rair and rustle—
Tam didna mind the storm a whistle.

Care, mad to see a man sae happy,
E'en drown'd himsel' amang the nappy!
As bees flee hame wi' lades o' treasure,
The minutes wing'd their way wi' pleasure:
Kings may be blest, but Tam was glorious,
O'er a' the ills o' life victorious!

=But pleasures are like poppies spread,
You seize the flow'r, its bloom is shed!
Or like the snowfall in the river,
A moment white—then melts for ever;
Or like the borealis race,
That flit ere you can point their place;
Or like the rainbow's lovely form,
Evanishing amid the storm.—
Nae man can tether time or tide;
The hour approaches Tam maun ride;
That hour, o' night's black arch the key-stane,
That dreary hour he mounts his beast in;
An' sic a night he tak's the road in,
As ne'er poor sinner was abroad in.

=The wind blew as 'twad blawn its last;
The rattling show'rs rose on the blast;
The speedy gleams the darkness swallow'd;
Loud, deep, and lang the thunder bellow'd:
That night, a child might understand,
The Deil had business on his hand.
Weel mounted on his grey mare, Meg—
A better never lifted leg—
Tam skelpit on thro' dub an' mire,
Despising wind, an' rain, an' fire;
Whiles holding fast his guid blue bonnet;
Whiles crooning o'er some auld Scots sonnet;
Whiles glow'ring round wi' prudent cares,
Lest bogles catch him unawares;
Kirk-Alloway was drawing nigh,
Where ghaists an' houlets nightly cry.

=By this time he was cross the ford,
Whare in the snaw the chapman smoor'd;
An' past the birks and meikie stane,
Whare drunken Charlie brak's neck-bane;
An' thro' the whins, an' by the cairn,
Whare hunters fand the murder'd bairn;
An' near the thorn, aboon the well,
Whare Mungo's mither hang'd hersel'.
Before him Doon pours a' his floods;
The doublin' storm roars thro' the woods;
The lightnings flash frae pole to pole;
Near and more near the thunders roll;
When, glimmerin' thro' the groanin' trees,
Kirk-Alloway seem'd in a bleeze;
Thro' ilka bore the beams were glancin';
An' loud resounded mirth and dancin'.

Inspirin' bold John Barleycorn!
What dangers thou canst mak' us scorn!
Wi' tippenny, we fear nae evil;
Wi' usquabae, we'll face the Devil!
The swats sae ream'd in Tammie's noddle,
Fair piay, he car'd na deils a boddle.
But Maggie stood, right sair astonish'd,
Till, by the heel an' hand admonish'd,
She ventur'd forward on the light;
An', wow!  Tam saw a unco sight!

Warlocks an' witches in a dance;
Nae cotillion brent new frae France,
But hornpipes, jigs, strathspeys, an' reels
Put life an' mettle in their heels:
At winnock-bunker in the east,
There sat Auld Nick, in shape o' beast;
A towzie tyke, black, grim, an' large,
To gie them music was his charge;
He screw'd the pipes and gart them skirl,
Till roof and rafters a' did dirl.
Coffins stood round, like open presses,
That shaw'd the dead in their last dresses;
And (by some dev'lish cantraip sieight)
Each in its cauld hand heid a light:
By which heroic Tam was abie
To note upon the haly table,
A murderer's banes in gibbet airns;
Twa span-lang, wee, unchristen'd bairns;
A thief, new-cutted frae a rape—
Wi' his last gasp his gab did gape;
Five tomahawks wi' bluid red-rusted,
Five scimitars wi' murder crusted;
A garter which a babe had strangled;
A knife a father's throat had mangled,
Whom his ain son o' life bereft,
The grey hairs yet stack to the heft;
Wi' mair o' horrible an' awfu',
Which ev'n to name wad be unlawfu'.

=As Tammie glowr'd, amaz'd, an' curious,
The mirth an' fun grew fast an' furious:
The piper loud an' louder blew,
The dancers quick an' quicker flew;
They reel'd, they set, they cross'd, they cleekit,
'Till ilka carlin swat and reekit,
An' coost her duddies to the wark,
An' linket at it in her sark!

=Now Tam!  O Tam! had thae been queans
A' plump an' strappin' in their teens;
Their sarks, instead o' creeshie flannen,
Been snaw-white seventeen hunder linen!
Thir breeks o' mine, my only pair,
That ance were plush, o' guid blue hair,
I wad hae gi'en them aff my hurdies,
For ae blink o' the bonnie burdies!

=But withered beldams, auld an' droll,
Rigwoodie hags, wad spean a foal,
Lowping an' flinging on a crummock,
I wonder didna turn thy stomach.

=But Tam kenn'd what was what fu' brawlie,
There was ae winsome wench an' wawlie,
That night enlisted in the core
Lang after kenn'd on Carrick shore;
(For mony a beast to dead she shot,
An' perish'd mony a bonnie boat,
An' shook baith meikle corn an' bear,
An' kept the country-side in fear).
Her cutty sark, o' Paisley harn,
That, while a lassie, she had worn,
In longitude tho' sorely scanty,
It was her best, an' she was vauntie....
Ah! little kenn'd thy reverend Grannie,
That sark she coft for her wee Nannie,
Wi' twa pund Scots ('twas a' her riches),
Wad ever grac'd a dance of witches!

=But here my Muse her wing maun cour;
Sic flights are far beyond her pow'r;
To sing how Nannie lap an' flang
(A souple jade she was, an' strang),
An' how Tam stood, like ane bewitch'd,
An' thought his very een enrich'd;
Ev'n Satan glowr'd, an' fidg'd fu' fain,
An' hotched an' blew wi' might an' main:
'Till first ae caper, syne anither,
Tam tint his reason a' thegither,
An' roars out, "Weel done, Cutty-sark!"
An' in an instant a' was dark:
An' scarcely had he Maggie rallied,
When out the hellish legion sallied.

=As bees bizz out wi' angry fyke,
When plunderin' herds assail their byke;
As open pussie's mortal foes,
When, pop! she starts before their nose:
As eager runs the market-crowd,
When "Catch the thief!" resounds aloud;
So Maggie runs, the witches follow,
Wi' mony an eldritch screech an' hollow.

=Ah, Tam! ah, Tam! thou 'lt get thy fairin',
In hell they'll roast thee like a herrin'!
In vain thy Kate awaits thy comin'!
Kate soon will be a owefu' woman!
Now, do thy speedy utmost, Meg,
An' win thy key-stane o' the brig;
There, at them thou thy tail may toss,
A running stream they darena cross;
But ere the key-stane she could make,
The fient a tail she had to shake!
For Nannie, far before the rest,
An' flew at Tam wi' furious ettle;
But little wist she Maggie's mettle-
Ae spring brought off her master hale,
But left behind her ain grey tail:
The carlin claught her by the rump,

Now, what this tale o' truth shall read,
Ilk man and mother's son take heed:
Whene'er to drinkn you are inclin'd,
Or cutty-sarks run in your mind,
Think! ye may buy the joys o'er dear-
Remember Tam o' Shanter's mare.

=======_Robert Burns_.


===="O Prince! O Chied of many throned pow'rs,
====That led th' embattled seraphim to war!" - MILTON.

O THOU! whatever title suit thee,
Auld Hornie, Satan, Nick, or Clootie,
Wha in yon cavern grim and sootie,
=Closed under hatches,
Spairges about the brunstane cootie,
=To scaud poor wretches!

Hear me, AUld Hangie, for a wee,
An' let poor damned bodies be;
I'm sure sma' pleasure it can gie,
=E'en to a deil,
To skelp an' scaud poor dogs like me,
=An' hear ue squeel.

Great is thy power, an' great thy fame;
Far kenn'd and noted is thy name:
An' tho' yon lowin' heugh's thy hame,
=Thou travels far:
An', faith! thou's neither lag nor lame,
=Nor blate nor scaur.

Whyles ranging like a roaring lion,
For prey, a' holes an' corners tryin';
Whyles ont eh strong-wing'd tempest flyin'
=Tirlin the kirks;
Whyles, in the human bosom pryin',
=Unseen thou lurks.

I've heard my reverend grannie say,
In lanely glens ye like to stray;
Or where auld ruin'd castles, grey,
=Nod to the moon,
Ye fright the nightly wand'rer's way
=Wi' eldritch croon.

When twilight did my grannie summon,
To say her prayers, douce, honest woman!
Aft yont the dyke she's heard you bummin',
=Wi' eerie drone;
Or, rustlin', thro' the boor-trees comin',
=Wi' heavy groan.

Ae dreary, windy, winter night,
The stars shot down wi' sklentin light,
Wi' you, mysel', I gat a fright:
=Ayont the lough,
Ye, like a rash-bush, stood in sight,
=Wi' waving sough.

The cudgel in my nieve did shake,
Each bristl'd hair stood like a stake,
When wi' an eldritch, stoor, "quaick-quaick"
=Amang the springs,
Awa' ye squatter'd, like a drake,
=On whistling wings.

Let warlocks grim, an' wither'd hags,
Tell how wi' you, on ragwwed nags,
They skim the muirs an' dizzy crags,
=Wi' wicked speed;
And in kirk-yards renew their leagues
=Owre howkit dead.

Thence, countra wives wi' toil an' pain,
May plunge an' plungs the kirn in vain:
For, oh! the yellow treasure's taen
=By witching skill;
An' dawkit, twal-pint hawkie's gaen
=As yell's the bill.

Thence, mystic knots mak' great abuse
On young guidmen, fond, keen, an' crouse;
When the best wark-lume i' the house,
=By cantraip wit,
Is instant made no worth a louse,
=Just at the bit.

When thowes dissolve the snawy hoord,
An' float the jingliln' icy boord,
Then water-kelpies haunt the foors,
=By your direction;
An' 'nighted trav'llers are allur'd
=To their destruction.

An' aft your moss-traversing spunkies
Decoy the wight that late an' drunk is:
The bleezin, curst mischievous monkeys
=Delude his eyes,
Till in some miry slough he sunk is,
=Ne'er mair to rise.

When Masons' mystic word an' grip
In storms an' tempests raise you up,
Some cock or cat your rage maun stop,
=Or, strange to tell!
The youngest brother ye wad whip
=Aff straught to hell.

Lang syne in Eden's bonnie yard,
When youthfu' lovers first were pair'd,
An' all the soul of love they shar'd,
=The raptur'd hour,
Sweet on the fragrant, flow'ry sward,
=In shady bow'r:

Then you, ye auld, sneck-drawing dog!
YE came to Paradise incog.,
An' play'd on man a cursed brogue
=(Black be your fa'!),
An' gied the infant warld a shog,
=Maist ruin'd a'.

D'ye mind that day, when in a bizz,
Wi' reekit duds, an' reestit gizz,
Ye did present your smoutie phiz
='Mang better folk,
An' sklented on the man of Uzz
=Your spitefu' joke?

An' how ye gat him i' your thrall
An' brak him out o' house an' hall,
While scabs an' botches did him gall,
=Wi' bitter claw,
And low's his ill-tongu'd, wicked scaul,
=Was warst ava?

But a' your doings to rehearse,
Your wily snares and' fechtin fierce,
Sin' that day Micheal did you pierce,
=Down to this time,
Wad ding a Lallan tongue, or Erse,
=In prose or rhyme.

An' now, Auld Cloots, I ken ye're thinkin',
A certain Bardie's rantin', drinkin',
Some luckless hour will send him linkin'
=To your black pit;
But, faith! he'll turn a corner jinkin',
=An' cheat you yet.

But, fare you weel, Auld Nickie-Ben!
O wad ye tak' a thought an' men'!
Ye aiblins might-I dinna ken-
=Still hae a stake:
I'm wae to think upo' yon den,
=Ev'n for your sake!

=======_Robert Burns_.


"O WHARE are ye gaun?"
=Quo' the fause knicht upon the road:
"I'm gaun to the scule,"
=Quo' the wee boy, and still he stude.

"What is that upon your back?"
=Quo' the fause knicht upon the road:
"Atweel it is my bukes,"
=QUo' the wee boy, and still he stude.

"What's that ye've got in your arm?"
=Qup' the fause knicht upon the road:
"Atweel it is my peit,"
=Quo' the wee boy, and still he stude.

"Wha's aucht thae sheep?"
=Quo' the fause knicht upon the road:
"They are mine and my mither's,"
=Quo' the wee boy, and still he stude.

"How mony o' them are mine?"
=Quo' the fause knicht upon the road:
"A' they that hae blue tails,"
=Quo' the wee boy, and still he stude.

"I wiss ye were on yon tree,"
=Quo' the fause knicht upon the road:
"And a gude ladder under me,"
=Quo' the wee boy, and still he stude.

"And the ladder for to break,"
=Quo' the fause knicht upon the road:
"And you for to fa' down,"
=Quo' the wee boy, and still he stude.

"I wiss ye were in yon sie,"
=Quo' the fause knicht upont he road:
"And a gude bottom under me,"
=Quo' the wee boy, and still he stude.

"And the bottom for to break,"
=Qup' the fause knicht upon the road:
"_And ye to be drowned,_"
=Quo' the wee boy, and still he stude.


As I was walking all alane
=Atween a water and a wa',
O there I met a wee wee man,
=And he was the least I ever saw:

His legs were scarce a shathmonth lang,
=And thick and thimber was his thie;
Atween his brows there was a span,
=And atween his shoulders there was three.

He took up a mickle stane,
=And flang't as far as I could see;
Though I had been a Wallace wight
=I could na lift it to my knee.

"O wee wee man, but thou be strang,
=O tell me where thy dwelling be?"
"my dwelling's down at yon bonnie bower,
=O will you gang wi' me and see?"

On we lap, and awa' we rode,
=Till we came to yon bonnie green;
We lighted down to bait our horse,
=And out there came a lade fine.

Four-and-twenty at her back,
=And they were a' clad out in green;
Though the king of Scotland had been there,
=The warst o' them might hae been his queen.

And on we lap, and awa' we rade,
=Till we came to yon bonnie ha',
Whare the rood was o' the beaten gowd,
=And the floor was o' the cristal a':

And there were harpings loud and sweet,
=And ladies dancing jimp and sma';
But in the twinkling of an eye
=My wee wee man was clean awa'.


THERE cam' a bird out o' a bush,
=On water for to dine,
An' sighing sair, says the king's daughter,
="O wae's this heart o' mine!"

He's ta'en a harp into his hand,
=He's harped them all asleep,
Except it was the king's deaughter,
=Who one wink couldna get.

He's luppen on his berry-brown steed,
=Ta'en 'er on behind himsell,
Then baith rade down to that water
=That they ca' Wearie's Well.

"Wade in, wade in, my lady fair,
=No harm shall thee befall;
Oft times I've watered my steed
=Wi' the water o' Wearie's Well."

The first step that she stepped in,
=She stepped to the knee;
And sighend says this lady fair,
="This water's nae for me."

"Wade in, wade in, my lady fair,
=No harm shall thee befall;
Oft times I've watered my steed
=Wi' the water o' Wearie's Well."

The next step that she stepped in,
=She stepped to the middle;
"O," sighend says this lady fair,
="I've wat my gowden girdle."

"Wade in, wade in, my lady fair,
=No harm shall thee befall;
Oft times have I watered my steed
=Wi' the water o' Wearie's Well."

The next step that she stepped in,
=She stepped to the chin;
"O," sighend says this lady fair,
="They sud gar twa loves twin."

"Seven king's daughters I've drowned there,
=In the water o' Wearie's Well,
And I'll make you the eight o' them,
=And ring the common bell."

"Since I am standing here," she says,
="This dowie death to die,
One kiss o' your comely mouth
=I'm sure wad comfort me."

He louted him o'er his saddle-bow,
=To kiss her cheek and chin;
She's ta'en him in her arms twa,
=And thrown him headlong in.

"Since seven king's daughters ye've drowned here,
=In the water o' Wearie's Well,
I'll make you bridegroom to them a',
=An' ring the bell mysell."

And aye she warsled, and aye she swam,
=And she swam to dry lan';
She thanked God most cheerfully
=The dangers she o'ercame.


TRUE Thomas lay on Huntlie bank,
=A ferlie he spied wi' his e'e,
And there he saw a lady bright
=Come riding down by the Eildon Tree.

Her shirt was o' the grass-green silk,
=Her mantle o' the velvet fine,
At ilka tett of her horse's mane
=Hang fifty siller bells and nine.

True Thomas, he pulled add his cap,
=And louted low down to his knee:
"All hail, thou mighty Queen of Heaven!
=For thy peer on earth I never did see."

"O no, O no, Thomas," she said,
="That name does not belang to me;
I am but the queen of fair Elfland,
=That am hither come to visit thee.

"Harp and carp, Thomas," she said,
="Harp and carp alang wi' me,
And if ye dare to kiss my lips,
=Sure of your bodie I will be."

"Betide me weal, betide me woe,
=That weird shall never daunton me;"
Syne he has kissed her rosy lips,
=All underneath the Eildon Tree.

"Now, ye maun go wi' me," she said,
="True Thomas, ye maun go wi' me,
And ye maun serve me seven years,
=Thro' weal or woe, as may chance to be."

She mounted on her milk-white steed,
=She's ta'en Tru Thomas up behind,
And aye whene'er her bridle rung
=The steed flew swifter than the wind.

O they rade on, and farther on-
=The steed gaed swifter than the wind-
Until they reached a desert wide,
=And living land was left behind.

"Light down, light down, now.  True Thomas,
=And lean your head upon my knee;
Abide and rest a little space,
=And I will show you ferlies three.

"O see not ye yon narrow road,
=So thick beset with thorns and briers?
That is the path of righteousness,
=Tho' after it but few inquires.

"And see not ye that braid braid road,
=That lies across that lily level?
That is the path of wickedness,
=Tho' some call it the road to heaven.

"And see not ye that bonnie road
=That winds about the fernie brae?
That is the road to fair Elfland,
=Where thou and I this night maun gae.

"But, THomas, ye maun hold your tongue,
=Whatever ye may hear or see,
For, if you speak word in Elflyn land,
=Ye'll ne'er get back to your ain countrie."

O they rade, and farther on,
=And they waded thro' rivers aboon the knee,
And they saw neither sun nor moon,
=But they heard the roaring of the sea.

It was mirk mirk night, and there was nae stern light,
=And they waded thro' red blude to the knee;
For a' the blude that's shed on earth
=Rins thro' the spings o' that countrie.

Syne they came on to a garden green,
=And she pu'd an apple frae a tree;
"Tak this for thy wages, True Thomas,
=It will give thee tongue that can never lie."

"My tongue is mine ain," True Thomas said;
="A gudely gift ye wad gie to me!
I neither dought to buy or sell,
=At fair or tryst where I may be.

"I dought neither speak to prince or peer,
=Nor ask of grace from fair ladie:"
"Now hold thy peace," the lady said,
="For as I say, so must it be."

He has gotten a coat of the even cloth,
=And a pair of shoes of velvet green,
And till seven years were gane and past
=True Thomas on earth was never seen.

184 - TAM LIN

"O I FORBID you, maidens a',
=That wear gowd on your hair,
To come or gae by Carterhaugh,
=For young Tam Lin is there.

"There's nane that gaes by Carterhaugh,
=But they leave him a wad,
Either their rings or green mantles,
=Or else their maidenhead."

Janet has kilted her green kirtle
=A little aboon her knee,
And she has braided her yellow hair
=And a little aboon her bree,
And she's awa' to Carterhaugh
=As fast as she can hie.

When she cam' to Carterhaugh,
=Tam Lin was at the well;
And there she fand his steed standing,
=But away was himsel'.

She hadna pu'd a double rose,
=A rose but only twa,
Till up then started young Tam Lin,
=Says, "Lady, thou's pu' nae mae.

"Why pu's thou the rose, Janet?
=And why breaks thou the wand?
Or why comes thou to Carterhaugh,
=Withouten my command?"

"Carterhaugh it is my ain;
=My daddie gave it me:
I'll come and gang by Carterhaugh,
=And ask nae leave at thee."

Janet has kilted her green kirtle
=A little aboon her knee,
And she has snooded her yellow hair
=A little aboon her bree,
And she is to her father's ha'
=As fast as she can hie.

Four and twenty ladies fair
=Were playing at the ba':
And out then cam' the fair Janet,
=Ance the flower amang them a'.

Four and twenty ladies fair
=Were playing at the chess,
And out then cam' the fair Janet,
=As green as onie glass.

Out then spal' an old grey knight,
=Lay o'er the castle wa',
And says, "Alas! fair Janet, for thee,
=But we'll be blamed a'!"

"Haud yere tongue, ye auld-faced knight,
=Some ill death may ye die!
Father my bairn on whom Iw ill,
=I'll father nane on thee."

Out then spak' her father dear,
=And he spak' meek and mild:
"And ever, alas! sweet Janet," he says,
="I think thou gaes wi' child."

"If that I gae wi' child, father,
=Mysel' maun bear the blame;
There's ne'er a laird about your ha'
=Shall get the bairn's name.

"If my love were an earthly knight,
=As he's an elfin grey,
I wadne gie my ain true-love
=For nae lord that ye hae.

"The steed that my true-love rides on
=Is lighter than the wind;
Wi' siller he is shod before,
=Wi' burning gowd behind."

Janet has kilted her green kirtle
=A little aboon her knee,
And she has snooded her yellow hair
=A little aboon her bree,
And she's awa' to Carterhaugh
=As fast as she can hie.

When she cam' to Carterhaugh
=Tam Lin was at the well,
And there she fand his steed standing,
=But away was himsel'.

She hadna pu'd a double rose,
=A rose but only twa,
When up then started young Tam Lin,
=Says, "Lasy, thou pu's nae mae.

"Why pu's thou the rose, Janet,
=Amang the groves sae green,
And a' to kill the bonnie babe,
=That we gat us between?"

"O tell me, tell me, Tam Lin," she says,
="For's sake that dies on tree,
If e'er ye was in holy chapel,
=Or Christendom did see?"

"Roxburgh he was my grandfather,
=Took me with him to bide,
And ance it fell upon a day
=That wae did me betide.

"And ance it fell upon a day,
=A cauld day and a snell,
When we were frae the hunting come,
=That frae my horse I fell;
The Queen o' Fairies she caught me,
=In yon green hill to dwell.

"And pleasant is the fairy land,
=But, an eerie tale to tell,
Aye, at the end of seven years,
=We pay a tiend to hell:
I am sae fair and fu' o' flesh,
=I'm feared it be mysel'.

"But the night is Hallowe'en, lady,
=The morn is Hallowday;
Then win me, win me, and ye will,
=For weel I wat ye may.

"Just at the mirk and midnight hour,
=The fairy folk will ride;
And they that wad their true-love win
=At Miles Cross they maun bide."

"But how shall I thee ken, Tam Lin,
=Or how my true-love know,
Arnang sae mony unco knights,
=The like I never saw?"

"O first let pass the black, lady,
=And syne let pass the brown;
But quickly run to the milk-white steed,
=Pu' ye his rider down.

"For I'll ride on the milk-white steed,
=And ay nearest the town;
Because I was an earthly knight,
=They gie me that renown.

"My right hand will be gloved, lady,
=My left hand will be bare;
Cocked up shall my bonnet be,
=And kaim'd down shall my hair;
And thae's the tokens I gie thee,
=Nae doubt I will be there.

"They'll turn me in your arms, lady,
=Into an esk and adder;
But hold me fast, and fear me not,
=I am your bairn's father.

"They'll turn me to a bear sae grim,
=And then a lion bold;
But hold me fast, and fear me not,
=As ye shall love your child.

"Again they'll turn me in your arms,
=To a red-het gaud of airn;
But hold me fast, and fear me not,
=I'll do to you nae harm.

"And last they'll turn me in your arms,
=Into the burning gleed,
Then throw me into well water;
=O throw me in wi' speed!

"And then I'll be your ain true-love,
=I'll turn a naked knight;
Then cover me wi' your green mantle,
=And cover me out o' sight."

Gloomy, gloomy was the night,
=And eerie was the way,
As fair Janet in her green mantle
=To Miles Cross she did gae.

About the middle o' the night,
=She heard the bridles ring;
The lady was as glad at that
=As any earthly thing.

First she let the black pass by,
=And syne she let the brown;
But quickly she ran to the milk-white steed,
=And pu'd the rider down.

Sae weel she minded what he did say,
=And young Tam Lin did win;
Syne covered him wi' her green mantle,
=As blythe's a bird in Spring.

Then out spak' the Queen o' Fairies,
=Out of a bush o' broom:
'Them that has gotten young Tam Lin,
=Has gotten a stately groom."

Out then spak' the Queen o' Fairies,
=And an angry woman was she:
"Shame betide her ill-faured face,
=And an ill death may she die!
For she's ta'en awa' the bonniest knight
=In a' my companie.

"But had I ken'd, Tam Lin," she says,
="What now this night I see,
I wad hae ta'en out thy twa grey een,
=And put in twa een o' tree."


O, I HAE come from far away,
=From a warm land far away,
A southern land across the sea,
With sailor-lads about the mast,
Merry and canny, and kind to me.

And I hae been to yon town
=To try my luck in yon town;
Nort, and Mysie, Elspie too.
Right braw we were to pass the gate,
Wi' gowden clasps on girdles blue.

Mysie smiled wi' miminy mouth,
=Innocent mouth, miminy mouth;
Elspie wore a scarlet gown,
Nort's grey eyes were unco gleg.
My Castile comb was like a crown.

We walked abreast all up the street,
=Into the market up the street;
Our hair with marigolds was wound,
Our bodices with love-knots laced,
Our merchandise with tansy bound.

Nort had chickens, I had cocks,
=Gamesome cocks, loud-crowing cocks;
Mysie ducks, and Elspie drakes,—
For a wee groat or a pound;
We lost nae time wi' gives and takes.

Lost nae time, for well we knew,
=In our sleeves full well we knew,
When the gloaming came that night,
Duck nor drake, nor hen nor cock
Would be found by candle-light.

And when our chaffering all was done,
=All was paid for, sold and done,
We drew a glove on ilka hand,
We sweetly curtsied each to each,
And deftly danced a saraband.

The market-lasses looked and laughed
=Left their gear, and looked and laughed;
They made as they would join the game,
But soon their mithers, wild and wud,
With whack and screech they stopped the same.

Sae loud the tongues o' randies grew,
=The flytin' and the skirlin' grew,
At all the windows in the place,
Wi' spoons or knives, wi' needle or awl,
Was thrust out every hand and face.

And down each stair they thronged anon,
=Gentle, semple, thronged anon;
Souter and tailor, frowsy Nan,
The ancient widow young again,
Simpering behind her fan.

Without a choice, against their will,
=Doited, dazed, against their will,
The market lassie and her mither,
The farmer and his husbandman,
Hand in hand dance a' thegither.

Slow at first, but faster soon,
=Still increasing, wild and fast,
Hoods and mantles, hats and hose,
Blindly doffed and cast away,
Left them naked, heads and toes.

They would have torn us limb from limb,
=Dainty limb from dainty limb;
But never one of them could win
Across the line that I had drawn
With bleeding thumb a-widdershin.

But there was Jeff the provost's son,
=Jeff the provost's only son;
There was Father Auld himsel',
The Lombard frae the hostelry,
And the lawyer Peter Fell.

All goodly men we singled out,
=Waled them well, and singled out,
And drew them by the left hand in;
Mysie the priest, and Elspie won
The Lombard, Nort the lawyer carle,
I mysel' the provost's son.

Then, with cantrip kisses seven,
=Three times round with kisses seven,
Warped and woven there spun we
Arms and legs and flaming hair,
Like a whirlwind on the sea.

Like a wind that sucks the sea,
=Over and in and on the sea,
Good sooth it was a mad delight;
And every man of all the four
Shut his eyes and laughed outright.

Laughed as long as they had breath,
=Laughed while they had sense or breath;
And close about us coiled a mist
Of gnats and midges, wasps and flies,
Like the whirlwind shaft it rist.

Drawn up I was right off my feet;
=Into the mist and off my feet;
And, dancing on each chimney-top,
I saw a thousand darling imps
Keeping time with skip and hop.

And on the provost's brave ridge-tile,
=On the provost's grand ridge-tile,
The Blackamoor first to master me.
I saw, I saw that winsome smile,
The mouth that did my heart beguile,
And spoke the great Word over me,
In the land beyond the sea.

I called his name, I called aloud,
=Alas! I called on him aloud;
And then he filled his hand with stour,
And he threw it towards me in the air;
My mouse flew out, I lost my pow'r!

My lusty strength, my power were gone;
=Power was gone, and all was gone.
He will not let me love him more!
Of bell and whip and horse's tail
He cares not if I find a store.

But I am proud if he is fierce!
=I am as proud as he is fierce;
I'll turn about and backward go,
If I meet again that Blackamoor,
And he'll help us then, for he shall know
I seek another paramour.

And we'll gang once more to yon town,
=Wi' better luck to yon town;
We'll walk in silk and cramoisle,
And I shall wed the provost's son;
My lady of the town I'll be!

For I was born a crowned king's child,
=Born and nursed a king's child,
King o' a land ayont the sea,
Where the Blackamoor kissed me first,
And taught me art and glamourie.

Each one in her wame shall hide
=Her hairy mouse, her wary mouse,
Fed on madwort and agramie,—
Wear amber beads between her breasts,
And blind-worm's skin about her knee.

The Lombard shall be Elspie's man,
=Elspie's gowden husband-man;
Nort shall take the lawyer's hand;
The priest shall swear another vow,
We'll dance again the saraband!

=======_William Bell Scott_.


"I WAS but seven year auld
=When my mither she did dee;
My father married the ae warst woman
=The warld did ever see.

"For she has made me the laily worm,
=That lies at the fit o' the tree,
An' my sister Masery she's made
=The machrel of the sea.

"An' every Saturday at noon
=The machrel comes to me,
An' she takes my laily head
=An' lays it on her knee,
She kaims it wi' a siller kaim,
=An' washes 't in the sea.

"Seven knights hae I slain,
=Sin' I lay at the fit of the tree,
An' ye war na my ain father,
=The eighth ane ye should be." ...

He sent for his lady,
=As fast as send could he:
"Whar is my son that ye sent frae me,
=And my daughter, Lady Masery?"

"Your son is at our king's court,
=Serving for meat an' fee,
An' your daughter's at our queen's court,
=The queen's maiden to be."

"Ye lee, ye lee, ye ill woman,
=Sae loud as I hear ye lee;
My son's the laily worm,
=That lies at the fit o' the tree,
And my daughter, Lady Masery,
=Is the machrel of the sea!"

She has tane a siller wan',
=An' gi'en him strokes three,
And he's started up the bravest knight
=That ever your eyes did see.

She has ta'en a small horn,
=An' loud an' shrill blew she.
An' a' the fish came her untill
=But the machrel of the sea:
"Ye shapeit me ance an unseemly shape,
=An' ye's never mare shape me."

He has sent to the wood
=For whins and for hawthorn.
An' he has ta'en that gay lady,
=An' there he did her burn.


"O WHERE hae ye been, my long, long love,
=These seven long years and more?"
"O I'm come to seek my former vows,
=That ye promised me before."

"Awa' wi' your former vows," she says,
="For they will breed but strife;
Awa' wi' your former vows," she says,
="For I am become a wife.

"I am married to a ship-carpenter,
=A ship-carpenter he's bound;
I wadna he kenn'd my mind this nicht
=For twice five hundred pound."

He turn'd him round and round about,
=And the tear blinded his e'e:
"I wad never hae trodden on Irish ground
=If it hadna been for thee.

"I might hae had a noble lady,
=Far, far beyond the sea;
I might hae had a noble lady,
=Were it no for the love o' thee."

"If ye might hae had a noble lady,
=Yoursel' ye had to blame;
Ye might hae taken the noble lady,
=For ye kenn'd that I was nane."

"O fause are the vows o' womenkind,
=But fair is their fause bodie:
I wad never hae trodden on Irish ground,
=Were it no for the love o' thee."

"If I was to leave my husband dear,
=And my wee young son also.
O what hae ye to tak' me to,
=If with you I should go?"

"I hae seven ships upon the sea,
=The eighth brought me to land;
With mariners and merchandise,
=And music on every hand.

"The ship wherein my love sall sail
=Is glorious to behowd;
The sails sall be o' the finest silk,
=And the mast o' beaten gowd."

She has taken up her wee young son,
=Kiss'd him baith cheek and chin;
"O fare ye weel, my wee young son,
=For I'll never see you again!"

She has put her foot on gude ship-board,
=And on ship-board she has gane,
And the veil that hangit ower her face
=Was a' wi' gowd begane.

She hadna sail'd a league, a league,
=A league but barely two,
Till she minded on her husband she left
=And her wee young son also.

"O haud your tongue o' weeping," he says,
="Let a' your follies a-bee;
I'll show where the white lilies grow
=On the banks o' Italie."

She hadna sailed a league, a league,
=A league but barely three,
Till grim, grim grew his countenance
=And gurly grew the sea.

"What hills are yon, yon pleasant hills,
=The sun shines sweetly on?"
"O yon are the hills o' Heaven," he said,
="Where you will never won."

"O whaten-a mountain is yon," she said,
="Sae dreary wi' frost and snow?"
"O yon is the mountain o' Hell," he said,
="Where you and I will go.

"But haud your tongue, my dearest dear,
=Let a' your follies a-bee,
I'll show where the white lilies grow,
=In the bottom o' the sea."

And aye as she turn'd her round about,
=Aye taller he seem'd to be;
Until that the tops o' that gallant ship
=Nae taller were than he.

He strack the top-mast wi' his hand,
=The fore-mast wi' his knee;
And he brake that gallant ship in twain,
=And sank her in the sea.

188 - LADY ANN

FAIR Lady Ann walked from her bower
=Down by the greenwood side,
The sweet flowers sprang, and wild birds sang,
=The simmer was in pride.
Among the flowers that lady went,
=As white as was the swan;
And she thought on her love and sighed,
=The gentle Lady Ann.

Out of the wood came three bonnie boys,
=As naked as they were born,
And they did sing and play at the ba',
=Beneath a milk-white thorn.
"A seven lang years would I stand here,
=All noon, and night, and dawn,
And all for one of thae bonnie boys,"
=Quo' gentle Lady Ann.

Then up and spake the eldest boy:
="Now lisLen, thou fair ladie—
O we lay a' at ae milk-white breast,
=And nursed were on ae knee;
Ae sweet lip smiled on us as we smiled,
=And there was a snaw-white han',
As gentle and kin', and fair as thine,
=That watched us, Lady Ann."

"O come to me, thou lily-white boy,
=The bonniest of the three!
O come, O come, thou lily-white boy,
=My little bower-boy to be!
I'll cleed thee all in silk and gold,
=And nurse thee on my knee."
"Oh mother, oh mother, when I was thine,
=Sic love I couldna see."

=======_Allan Cunningham_.


THERE lived a wife at Usher's Well,
=And a wealthy wife was she;
She had three stout and stalwart sons,
=And sent them o'er the sea.

They hadna been a week from her,
=A week but barely ane,
When word came back to the carline wife
=That her three sons were gane.

They hadna been a week from her,
=A week but barely three,
When word came to the carline wife
=That her sons she'd never see.

"I wish the wind may never cease,
=Nor fashes in the flood,
Till my three sons come hame to me,
=In earthly flesh and blood!"

It fell about the Martinmas,
=When nights are lang and mirk,
The carline wife's three sons cam' hame,
=And their hats were o' the birk.

It neither grew in syke nor ditch,
=Nor yet in ony sheugh;
But at the gates o' Paradise
=That birk grew fair eneugh.

"Blow up the fire, my maidens!
=Bring water from the well!
For a' my house shall feast this night,
=Since my three sons are well."

And she has made to them a bed,
=She's made it large and wide;
And she's ta'en her mantle her about,
=Sat down at the bedside.


Up then crew the red red cock,
=And up and crew the grey;
The eldest to the youngest said,
="'Tis time we were away."

The cock he hadna craw'd but ance,
=And clapped his wings at a',
When the youngest to the eldest said,
="Brother, we must awa'."

"The cock doth craw, the day doth daw,
=The channerin' worm doth chide;
Gin we be missed out o' our place,
=A sair pain we maun bide.

"Fare ye weel, my mother dear!
=Fareweel to barn and byre!
And fare ye weel, the bonnie lass
=That kindles my mother's fire."


=BONNIE Kilmeny gaed up the glen;
But it wasna to meet Duneira's men,
Nor the rosy monk of the isle to see,
For Kilmeny was pure as pure could be.
It was only to hear the yorlin sing,
And pu' the cress-flower round the spring;
The scarlet hypp and the hind-berrye,
And the nut that hung frae the hazel tree;
For Kilmeny was pure as pure could be.
But lang may her minny look o'er the wa';
And lang may she seek i' the green-wood shaw;
Lang the laird o' Duneira blame,
And lang, lang greet or Kilmeny come hame!

=When many a day had come and fled,
When grief grew calm, and hope was dead,
When mess for Kilmeny's soul had been sung,
When the bedesman had pray'd and the dead-bell rung,
Late, late in a gloamin' when all was still,
When the fringe was red on the westlin' hill,
The wood was sere, the moon i' the wane,
The reek o' the cot hung over the plain,
Like a little wee cloud in the world its lane;
When the ingle lowed wi' an eiry leme—
Late, late in the gloamin' Kilmeny came hame!

="Kilmeny, Kilmeny, where have you been?
Lang hae we sought baith holt and dean;
By linn, by ford, and green-wood tree,
Yet you are halesome and fair to see.
Where gat ye that joup o' the lily sheen?
That bonnie snood o' the birk sae green?
And these roses, the fairest that ever were seen?
Kilmeny, Kilmeny, where have you been?"

=Kilmeny look'd up wi' a lovely grace,
But nae smile was seen on Kilmeny's face;
As still was her look, and as still was her e'e,
As the stillness that lay on the emerant lea,
Or the mist that sleeps on a waveless sea.
For Kilmeny had been she knew not where,
And Kilmeny had seen what she could not declare;
Kilmeny had been where the cock never crew,
Where the rain never fell, and the wind never blew.
But it seemed as the harp of the sky had rung,
And the airs of heaven played round her tongue,
When she spake of the lovely forms she had seen,
And a land where sin had never been;
A land of love and a land of light,
Withouten sun, or moon, or night;
Where the river swa'd a living stream,
And the light a pure celestial beam;
The land of vision, it would seem,
A still, an everlasting dream.


And O, her beauty was fair to see,
But still and steadfast was her e'e!
Such beauty bard may never declare,
For there was no pride nor passion there;
And the soft desire of maiden's een
In that mild face could never be seen.
Her seymar was the lily flower,
And her cheek the moss-rose in the shower;
And her voice like the distant melodye
That floats along the twilight sea.
But she loved to raike the lanely glen,
And keeped afar frae the haunts of men;
Her holy hymns unheard to sing,
To suck the flowers, and drink the spring:
But wherever her peaceful form appeared,
The wild beasts of the hill were cheered;
The wolf played blythely round the field,
The lordly byson lowed, and kneeled;
The dun deer wooed with manner bland,
And cowered aneath her lily hand.
And when at eve the woodlands rung,
When hymns of other worlds she sung
In ecstasy of sweet devotion,
O, then the glen was all in motion!
The wild beasts of the forest came,
Broke from their bughts and faulds the tame,
And goved around, charmed and amazed;
Even the dull cattle crooned and gazed,
And murmured, and looked with anxious pain
For something the mystery to explain.
The buzzard came with the throstle-cock;
The corby left her houf in the rock;
The blackbird alang wi' the eagle flew;
The hind cam' tripping o'er the dew;
The wolf and the kid their raike began,
And the tod, and the lamb, and the leveret ran;
The hawk and the hern attour them hung,
And the merle and the mavis forhooyed their young;
And all in a peaceful ring were hurled:
It was like an eve in a sinless world!

=When a month and a day had come and gane,
Kilmeny sought the green-wood wene;
There laid her down on the leaves sae green,
And Kilmeny on earth was never mair seen.
But O! the words that fell frae her mouth
Were words of wonder, and words of truth!
But all the land were in fear and dread,
For they kendna whether she was living or dead.
It wasna her hame, and she couldna remain;
She left this world of sorrow and pain,
And returned to the land of thought again.

=======_James Hogg_.


PROUD Maisie is in the wood,
=Walking so early;
Sweet Robin sits on the bush,
=Singing so rarely:

"Tell me, thou bonny bird,
=When shall I marry me?"
"When six braw gentlemen
=Kirkyard shall carry ye."

"Who makes the bridal bed,
=Birdie, say truly?"
"The grey-headed sexton
=That delves the grave duly.

"The glow-worm o'er grave and stone
=Shall light thee steady;
The owl from the steeple sing:
='Welcome, proud lady.'"

=======_Sir Walter Scott_.